Каромыслы

Каромыслы
Каромысла трысняговае (Aeshna juncea)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Paleoptera Атрад:  Стракозы Падатрад:  Epiprocta Інфраатрад:  Разнакрылыя Надсямейства:  Aeshnoidea Сямейства:  Каромыслы
Міжнародная навуковая назва
Aeshnidae Rambur, 1842
Сістэматыка на Віківідах Выявы на Вікісховішчы ITIS   101596 NCBI   50509 EOL   5257 FW   71357

Каромыслы (Aeshnidae) — сямейства стракоз падатрада разнакрылых.

Апісанне

Буйныя стракатыя насякомыя, даўжыня брушка 38-61 мм, крылаў 34-100 мм. У спакоі крылы расстаўлены ў розныя бакі. Пярэднія і заднія крылы рознай формы, жылкі на іх у выглядзе падоўжаных трохвугольнікаў. Малюнак брушка складаецца з шэрагу плямак. Вочы сутыкаюцца на патыліцы.

Маюць яйцаклад.

Даўжыня лічынак да 45-60 мм.

Пашырэнне

Пашыраны ў Еўропе, Сярэдняй Азіі, Казахстане, на Каўказе і інш. Лічынкі жывуць у стаячых неглыбокіх прэсных вадаёмах.

Асаблівасці біялогіі

На Беларусі лёт у чэрвені-жніўні. Драпежнікі, здабычу (камароў, мошак) ловяць у час лёту, лічынкі кормяцца воднымі беспазваночнымі, апалонікамі, маляўкамі рыб.

Яйцы адкладваюць на водныя расліны, зрэдку на вільготную глебу каля вады. Лічынкі жывуць у вадзе, поўзаюць у зарасніку ракі або падпільноўваюць здабычу.

Дарослыя жывуць каля 4 месяцаў, лічынкі 1-4 гады.

Літаратура

• Запольская Т. І. Каромыслы // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.