Карунд
| Карунд | |
|---|---|
 |
|
| Формула | Al2O3 |
| Сінгонія | Трыганальная |
| Колер | Белы, шэры, сіні, чырвоны, жоўгы, зялёны |
| Колер рысы | Белая |
| Бляск | Шкляны |
| Цвёрдасць | 9 |
| Шчыльнасць | 3,9—4,1 г/см³ |
Карунд — мінерал падкласа простых аксідаў, крышталічны α-аксід алюмінію (Al2O3). Мае прымесі хрому, жалеза, тытану і інш.
Крышталізуецца ў трыганальнай сінганіі. Крышталі бочкападобныя, таблітчастыя, слупкаватыя, дыпірамідальныя. Агрэгаты сярэдне- і тонказярністыя. Колер белы, шэры, сіні, чырвоны, жоўгы, зялёны. Бляск алмазны да шклянога. Цвёрдасць 9. Шчыльнасць каля 4 г/см³.
Паходжанне метамарфічнае, метасаматычнае; намнажаецца ў россыпах.
Абразіўны матэрыял; сумесь карунду (60—70%) з магнетытам, гематытам і шпінэллю — наждак. Празрыстыя разнавіднасці — каштоўныя камяні (рубін, сапфір). Сінтэтычны карунд з дабаўкамі Cr3+, Fe3+ атрымліваюць у прамысловых маштабах для квантавай электронікі, гадзіннікавай, ювелірнай прамысловасці і інш.
Літаратура[правіць | правіць зыходнік]
- Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн.: БелЭн, 1999. ISBN 985-11-0144-3.
Спасылкі[правіць | правіць зыходнік]
- Карунд у базе webmineral.com (англ.)
- Корунд (руск.) — артыкул з Вялікай савецкай энцыклапедыі
 |
Гэта пачатак артыкула пра мінерал ці мінералогію. Вы можаце дапамагчы праекту, выправіўшы і дапоўніўшы яго. |
|
