Карцінныя камяні

З Вікіпедыі, свабоднай энцыклапедыі
Памінальныя камяні ў краязнаўчым музеі Готланда

Памінальныя або карцінныя камяні (шведск.: bildstenar) — асобна пастаўленыя валуны (як правіла, з вапняка) з нанесеным на іх арнаментам, якія адносяцца да перыяду вікінгаў.

Карцінныя камяні адрозніваліся ад рунічных тым, што на іх наносіліся не руны, а выявы накшталт піктаграм. Пераважная іх большасць знаходзіцца на астравах Готланд і Мэн. Камяні, як правіла, усталёўваліся ў людных месцах (напрыклад, ля перапраў праз ручаі), значна радзей — над пахаваннямі.

Карцінныя камяні датуюцца трыма перыядамі з V па XI стагоддзя. Тлумачэнне малюнкаў часцяком выклікае складанасці. Вельмі распаўсюджаныя сцэны з выявай вершніка, што вяртаецца з вайны, якога сустракае дома жанчына з рогам у руцэ. Найбольш буйны з захаваных камянёў (на Готландзе) мае вышыню 370 см.

Прыклады[правіць | правіць зыходнік]

Літаратура[правіць | правіць зыходнік]

  • Sune Lindqvist (1941-42) Gotlands Bildsteine I—II. KVHAA, Stockholm
  • Erik Nylén, Jan Peder Lamm (2003) Bildstenar. Gidlunds Bokförlag, Stockholm — ISBN 91-7844-352-0
  • Erik Nylén & Jan Peder Lamm (1988) Stones, Ships and Symbols. Gidlunds Bokförlag, Stockholm — ISBN 91-7844-116-1
  • Шейкин Е. В. Особенности композиции готландских рисованных камней раннего периода. Скандинавские чтения 2002 года., МАЭ РАН, СПб, 2003 — ISBN 5-88431-093-5

Спасылкі[правіць | правіць зыходнік]