Касцёл Святых Пятра і Паўла (Дрысвяты)

Касцёл
Касцёл Святых Пятра і Паўла
Касцёл у 2010 годзе
55°35′24,56″ пн. ш. 26°40′00,91″ у. д.
Краіна	Беларусь
Вёска	Дрысвяты
Канфесія	Рымска-каталіцкая царква
Епархія	Віцебская дыяцэзія
Благачынне	Відзскі дэканат
Архітэктурны стыль	Драўлянае дойлідства, мадэрн
Архітэктар	Л. Вітан-Дубейкаўскі
Дата пабудовы	1929 год
Статус	Гісторыка-культурная каштоўнасць Беларусі, шыфр 213Г000188
Медыяфайлы на Вікісховішчы

Касцёл Святых Пятра і Паўла — помнік драўлянага дойлідства ў в. Дрысвяты Браслаўскага раёна.

Гісторыя

Касцёл у 1930 годзе

Пабудаваны ў 1929 годзе па праекце архітэктара Л. Вітан-Дубейкаўскага.

Касцёл закрыты ў 1970-я гады. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Архітэктура

Інтэр'ер

Мае рысы стылю мадэрн. Прамавугольны ў плане будынак з пяціграннай алтарнай апсідай, бабінцам і сакрысціямі накрыты дахам складанай формы. Галоўны фасад вылучае высокая пяціярусная вежа-званіца (першы і другіі ярусы чацверыковыя, трэці — васьмерыковы, чацверты і пяты — цыліндрычныя, уваход афармляюць падчэні на чатырох мураваных слупах. Сцены ашаляваныя дошкамі, прарэзаныя прамавугольнымі арачнымі і круглымі вокнамі. Інтэр'ер падзелены васьмю слупамі на тры нефы. Столь кесаніраваная, з арнаментальнай размалёўкай. Над бабінцам — хоры.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Харэўскі, С. В. Культавае дойлідства Заходняй Беларусі 1915—1940 гг. — Вільня: ЕГУ, 2008. ISBN 978-9955-77-13-9.

Спасылкі

• На Вікісховішчы ёсць медыяфайлы па тэме Касцёл Святых Пятра і Паўла (Дрысвяты)
• Касцёл Святых Пятра і Паўла (Дрысвяты) на сайце Radzima.org
• Касцёл Святых Пятра і Паўла (Дрысвяты) на сайце Глобус Беларусі (руск.)