Катушкі

Катушкі
Катушка рагавая (Planorbarius corneus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Малюскі Клас:  Бруханогія Падклас:  Сапраўдныя смаўжы Атрад:  Лёгачныя малюскі Падатрад:  Сядзячавокія малюскі Сямейства:  Катушкі
Міжнародная навуковая назва
Planorbidae Rafinesque, 1815
Сістэматыка на Віківідах Выявы на Вікісховішчы ITIS   76591 NCBI   6524 EOL   46447618 FW   61804

Кату́шкі (Planorbidae) — сямейства бруханогіх малюскаў.

Апісанне

Цела асіметрычнае, укрыта ракавінай (дыяметр яе 2—32 мм), складаецца з галавы, вантробнага мяшка і нагі. Ракавіна з 4—8 абаротамі завіта ў адной плоскасці, дыскападобная, аліўкава-карычневага або карычневага колеру з рознымі адценнямі. На галаве ротавая адтуліна, адна пара доўгіх ніткападобных шчупальцаў, каля асновы іх размешчана пара вачэй.

Органы дыхання — лёгачныя мяшкі і жабры. Крывяносная сістэма не замкнёная. Нервовая сістэма складаецца з нервовых вузлоў. Апладненне ўнутранае.

Пашырэнне

Пашыраны ў прэсных вадаёмах Еўразіі. На Беларусі адзначана больш 10 відаў. Трапляюцца ў прыбярэжнай зоне азёр, сажалках, канавах, іншых плыткіх вадаёмах са стаячай або слаба праточнай вадой.

Асаблівасці экалогіі

Пераважна раслінаедныя і дэтрытаедныя малюскі. Удзельнічаюць у біялагічным ачышчэнні вадаёмаў. Корм для рыб.

Пры высыханні вадаёмаў і на зіму закопваюцца ў вільготны іл.

Літаратура

• Гаўрылаў С. Катушкі // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.