Клімавіцкі краязнаўчы музей

Клімавіцкі раённы краязнаўчы музей
Адкрыты	24 ліпеня 1984
Падпарадкаванасць	Міністэрства культуры Рэспублікі Беларусь
Краіна	Беларусь
Месцазнаходжанне	Клімавічы, Беларусь
Адрас	213633, Рэспубліка Беларусь, Магілёўская вобласць, г. Клімавічы, вул. Савецкая, 69
klimovichi.museum.by/be

Клімавіцкі краязнаўчы музей — музей, створаны ў Клімавічах рашэннем ЦК КПБ ад 11 ліпеня 1978 года. Для наведвальнікаў адкрыты 24 ліпеня 1984 года. З 1979 года музеем кіраваў І. М. Сімакоў. З 1995 года дырэктар Л. М. Андрушкова. Размяшчаецца ў былой сядзібе князёў Мяшчэрскіх па вуліцы Савецкай, 69.

Асноўны фонд музея (2008) налічвае 5849 адзінак захоўвання, навукова-дапаможны — 7782 адзінкі. Плошча экспазіцыйных памяшканняў 222 м², выставачнай залы — 60 м².

Экспазіцыя музея. Макет горада.

Найбольш цікавыя прадметы з калекцый музея: бівень маманта, каменныя прылады працы 3—2-га тыс. да н.э., кнігі «Трэбнік» і «Мінеі» 2-й палавіны ХІХ в., прадметы нумізматыкі, ткацтва, народнага побыту, узоры зброі, матэрыялы пра клімавіцкія мужчынскую і жаночую гімназіі пачатку ХХ ст., творы выяўленчага мастацтва.

Экспазіцыя музея, размешчаная ў 6 залах, складаецца з раздзелаў: «Прырода раёна», «Далёкае мінулае», «Сацыялістычная рэвалюцыя», «Вялікая Айчынная вайна», «Прамысловасць раёна», «Знакамітыя землякі».

У музеі праводзяцца лекцыі на краязнаўчую тэматыку, экскурсіі, сустрэчы, выстаўкі, музейныя заняткі, гульнявыя праграмы для дзяцей і школьнікаў. Падрыхтаваны і праведзены выстаўкі мастакоў Клімаўшчыны «Мастацкае асарці», работ навучэнцаў дзіцячай мастацкай школы «Запалі сваю зорку», абразоў «Лікі святых», этнаграфічная «З бабулінага куфэрка» і іншыя.

Галерэя

• 
• 
• 
• 
• 
• 
  Экспазіцыя музея. Дыярама "Бой пад Мілаславічамі 8 жніўня 1941 года".
• 
  Экспазіцыя музея. Двуручная чарка.

Спасылкі

• Учреждение культуры «Климовичский районный краеведческий музей»
• Музей в ВКонтакте
• Музей в Instagram
• Сотрудники климовичского музея восстанавливают историю уникального особняка князей Мещерских
• В Климовичах завершена реставрация памятника архитектуры ХIX века