Коханаўская сярэдняя школа імя І. П. Кожара

З пляцоўкі Вікіпедыя
Jump to navigation Jump to search
ДУА «Коханаўская сярэдняя школа імя І. П. Кожара Талачынскага раёна»
Kohanovo School 2005.JPG
Заснавана 1868
Тып дзяржаўная ўстанова адукацыі
Адрас Віцебская вобласць, Талачынскі раён, г. п. Коханава, вуліца Камунальная, 10.
Сайт kokhanovo.tolochin.edu.by

Дзяржаўная ўстанова адукацыі «Коханаўская сярэдняя школа імя І. П. Кожара» — установа сярэдняй адукацыі ў гарадскім пасёлку Коханава Талачынскага раёна Віцебскай вобласці.

Гісторыя[правіць | правіць зыходнік]

Стары будынак школы

Коханаўская сярэдняя школа існуе з 1868 года. Была адчынена ў доме валаснога праўлення як аднакласнае народнае вучылішча.

1 студзеня 1869 года тут вучыліся 29 хлопчыкаў, у 1876 годзе — 37 хлопчыкаў і 4 дзяўчынкі, у 1898—1899 гадах — 124 хлопчыкі і 22 дзяўчынкі. З 1904 года вучылішча стала двухкласным. Яно мела кавальскую, сталярную і слясарную майстэрні.

Пасля Кастрычніцай рэвалюцыі называлася школай 1-й, 2-й ступеняў, з 1928 года — сямігадовай, з 1932 года — сярэдняй. У 1925—1927 гадах быў узведзены 2-павярховы будынак школы.

У час Вялікай Айчыннай вайны школьны будынак быў спалены, уся школьная маёмасць разрабавана і знішчана. Да 1944 года школу аднавілі.

У 1971 годзе пастаўлены новы шматпавярховы будынак школы.

У 2003 годзе школа стала ўдзельніцай міжнароднай канферэнцыі па ўкараненні інавацыйных тэхналогій. У тым жа годзе, да 135-годдзя школы, у падарунак ад абласнога ўпраўлення адукацыі ў ёй адчыніўся камп’ютарны клас.

У 2003 годзе быў адкрыты абноўлены школьны музей. Быў створаны школьны зімовы сад.

У Коханаўскай школе створана безбар’ернае асяроддзе для арганізацыі адукацыйнага працэсу вучняў з абмежаванымі магчымасцямі.

На будынку Коханаўскай школы ўсталяваны мемарыяльныя пліты былым вучням — А. М. Алюшыну, І. Батраку, І. П. Кожару, М. А. Савіцкаму.

Вядомыя выпускнікі[правіць | правіць зыходнік]

Дырэктары школы[правіць | правіць зыходнік]

  • Шарай Аляксандр Міхайлавіч (1954—?).

Выкладчыкі[правіць | правіць зыходнік]

  • Таццяна Іванаўна Радзькова (1974—2000) — заслужаны работнік асветы БССР.

Спасылкі[правіць | правіць зыходнік]

  • Бірукоў, В. Адсюль вытокі шляху ў жыццё / В. Бірукоў // Наша Талачыншчына. — 2018. — 14 лістап. — С. 1-2.
  • Бірукоў, В. Усім сэрцам любімая школа / В. Бірукоў // Наша Талачыншчына. — 2004. — 14 лют. — С. 2.
  • Бирюков, В. Идет подготовка к юбилею / В. Бирюков // Наша Талачыншчына. — 2018. — 22 снеж. — С. 4.
  • Путь длиною в 150 лет // Наша Талачыншчына. — 2018. — 8 снеж. — С. 3.
  • Серада, А. Коханаўская СШ: вопыт у рэалізацыі інавацыйных праектаў / А. Серада // Наша Талачыншчына. — 2017. — 30 верас. — С. 4.
  • Серада, А. Тут працуюць і выхоўваюць з поўнай аддачай / А. Серада // Наша Талачыншчына. — 2009. — 21 кастр. — С. 7.
  • Середа, Е. На пути к познанию окружающего мира / Е. Середа // Наша Талачыншчына. — 2017. — 25 лістап. — С. 4.