Крысцін (фільм, 1983)

Не блытаць з Крысцін (фільм, 1958).

Крысцін
Christine
Жанр	трылер жахі
Рэжысёр	Джон Карпентэр
Прадзюсар	Рычард Кобрыц Лары Джэй Франка
Сцэнарыст	Біл Філіпс
У галоўных ролях	Кейт Гордан Джон Стоквэл Аляксандра Пол Роберт Проскі Гары Дын Стэнтан
Аператар	Дональд М. Морган
Кампазітар	Джон Карпентэр Алан Ховарт
Кінакампанія	Columbia Pictures
Працягласць	110 хвілін
Бюджэт	$ 9 700 000 (ацэнка)
Зборы	$ 21 200 000
Краіна	ЗША
Мова	Англійская
Год	1983
IMDb	ID 0085333

«Крысцін» (Англійская: Christine) — амерыканскі трылер Джона Карпентэра па матывах аднайменнага рамана Стывена Кінга, які быў зняты ў 1983 годзе. Падзеі, якія адбываюцца ў 1978 годзе, рассказваюць гісторыю пра занудлівага падлетка, які выпадкова пакупае дзіўны аўтамабіль, што радыкальна змяняе яго жыццё. Фільм звычайна адносяць да катэгорыі жахаў, але некаторыя крытыкі, лічаць яго адным з налепшых фільмаў пра аўтамабілі ўсіх часоў. Прэм’ера фільма адбылася 9 снежня 1983 года.

Сюжэт

Падзеі пачынаюцца ў 1957 годзе на аўтамабільным заводзе ў Дэтройце, дзе з канвэйра сыходзіць новенькая мадэль Chrysler Plymouth Fury. Падчас зборкі, аўтамабіль траўміруе аднаго працаўніка і забівае другога.

Праз 21 год Арнольд «Эрні» Канінгэм (Кейт Гордан) — тыповы занудлівы і рахманы падлетак старэйшай школы, над якім здекваюцца аднакласнікі і якога трымаюць пад жорсткім наглядам бацькі, робіць самачыннае рашэнне і пакупае разбіты стары аўтамабіль мадэлі Plymouth Fury за $250. Яго адзіны сябар Дэніс (Джон Стоквэл) намагаецца пераканаць яго не рабіць гэтага, але Арнольд нікога не слухае. Увесь свой вольны час Эрні аддае рамантаванню аўтамабіля, які ён называе Крысцін, у гаражы Уіла Дарнэла (Роберт Проскі), дзе таксама падпрацоўвае.

Чым больш аўтамабіль набывае свой першапачатковы выгляд, тым больш змяняецца Эрні фізічна і псіхалагічна. У Эрні з’яўляецца дзяўчына (Аляксандра Пол), ён пачынае апранацца па апошняй модзе і паводзіць сябе фанабэрыста са сваімі бацькамі і сябрам Дэнісам. Дзяўчына Эрні Лі пачынае заўважаць, што ён больш любіць Крысцін, чым яе, на падставе чаго яны заўсёды сварацца.

Тым часам Крысцін пачынае забіваць: спачатку яна забівае школьных хуліганаў, якія здзекваліся над Арнолльдам і нанеслі шкоду самой Крысцін, потым уладальніка гаража Дарнэла. Пасля таго, як Лі амаль што не загінула ў салоне машыны, яна разумее, што Крысцін уяўляе сабой небяспеку, як для Эрні, так і для ўсіх астатніх. Гэтымі думкамі яна дзеліцца з сябрам Эрні Дэнісам, і яны вырашаюць знішчыць Крысцін. Яны вырашаюць завабіць Крысцін у гараж Дарнэла і раздавіць Крысцін бульдозерам. Падчас фінальнага супрацьстаяння ў гаражы Дарнэла Крысцін, за рулём якой знаходзіцца Арнольд, намагаецца забіць Лі і Дэніса, але выпадкова гіне сам Арнольд. Дэніс сплюшчвае Крысцін бульдозерам. На наступны дзень, Крысцін праганяюць праз металічны прэс і каток.

Скончваецца фільм кадрам, у якім спрэсаваны кубік, які ўяўляе сабой Крысцін, пачынае зноў рухацца.

Акторскі склад і персанажы

Галоўная роля спачатку прапанавался Кевіну Бэйкану, але ён адмовіўся.

• Кейт Гордан - Арнольд "Эрні" Канінгэм
• Джон Стоквэл - Дэніс Гілдэр
• Аляксандра Пол - Лі Кэбат
• Роберт Проскі - Уіл Дарнэл
• Гары Дын Стэнтан - дэтэктыў Рудольф "Рудзі" Джанкінс
• Крысцін Бэлфард - Рэгіна Канінгэм
• Робертс Блосам - Джордж ЛеБэй
• Келі Прэстан - Роўзэн
• Уільям Острандэр - Кларэнс "Бадзі" Рэпертан
• Малкальм Дэнэр - Пітэр "Мучы" Уэлч
• Стывен Тэш - Рычард "Рычы" Трэлані
• Сцюарт Чарна - Дональд "Дон" Вандэрберг
• Дэвід Спілберг - містэр Кэйсі

Персанажы фільма з'яўляюцца стэрэатыпнымі для таго часу. Арольд Канінгэм - тыповы бясшчасны і занудлівы студэнт амерыканскай старэйшай школы, але мае вельмі добры ітэлектуальны паказчык. Арнольд мае аднаго сябра - Дэніса, які таксама ўяўляе сабой тыповы узор дабрадушнага заўзятага спратсмена, які сябруе з усімі. Школьныя хуліганы таксама тыповыя персанажы для амерыканскай рэчаіснасці 80-х гадоў.

Пракат

мадэль Chrysler Plymouth Belvedere чырвона-белага колеру, якую выкарыстоўвалі пры здымках у якасці Plymouth Fury

На першым тындне праката ў Злучаных Штатах фільм атрымаў $3.408.904 і скончыў тыдзень на 4 месцы сярод прэм'ерных паказаў. Агулам фільм атрымаў $21.017.849 у ЗША за сем тыдняў праката, HKD265.268 у Ганконзе і ў пераліку на еўра €3.272.268 у ФРГ.

Крыніца: Box Office Mojo

Тыдзень	Месца	Прыбытак
1	#4	$3.408.904
2	#8	$2.058.517
3	#9	$1.851.909
4	#9	$2.736.782
5	#8	$2.015.922
6	#12	$1.316.835
7	#14	$819.972

Цікавыя факты

• Прадзюсары фільма за два гады праглядзелі 24 розныя мадэлі аўтамабіляў, якія б маглі ўвасобіць Крысцін на экране.
• Выканаўца ролі дзяўчына Арнольда Аляксандра Пол ніколі не глядзела фільмаў Джона Карпентэра і не чытала кніг Стывена Кінга.
• 15% бюджэта фільма было страчана на аўтамабілі: толькі два аўтамабіля засталіся непашкоджанымі, астатнія былі ўшчэнт разбітыя.
• Знічтажаць аўтамабілі падчас здымак было цяжка - некаторыя акторы гублялі прытомнасць ад стомленасці.
• Шкло Крысцін было таніравана. Гэта адмыслова прыдумаў Карпентэр, каб гледачы не маглі зразумець, ці ёсць за рулём Арнольд, ці не.
• Здымкі фільма пачаліся яшчэ да таго, як выйшла ў свет сам раман Кінга.
• Карпентэр не прыйшоў на прэм'еру фільма з-за забабонаў, бо верыў, што калі ён прыходзіць на прэм'еру, то абавязкова здараецца што-небудзь дрэннае.

Спасылкі

• «Крысцін» на сайце «Internet Movie Database» (англ.)
• Крысцін на сайце «AllMovie» (англ.)
• «Крысцін» на сайце «Rotten Tomatoes» (англ.) (рэйтынг 65 % па выніках 23 водгукаў)