Крыштаф Алендскі (сын Януша)
Крыштаф Алендскі | |
---|---|
Смерць | не раней за 1602 |
Род | Алендскія |
Бацька | Януш Алендскі |
Маці | Ганна з Трызнаў[d] |
Жонка | Ганна з Есьманаў[d] |
Дзеці | Крыштаф Алендскі і Юрый Алендскі |
Крыштаф Алендскі (? — пасля 1602) — вялікалітоўскі дзяржаўны дзеяч.
Біяграфія[правіць | правіць зыходнік]
Паходзіў са шляхецкага роду Алендскіх герба «Равіч», сын Януша.
Згодна з падзелам бацькоўскай спадчыны атрымаў маёнтак Мачульна, Дварэц Гнезненскі, Хрустаў, пляцы з дамамі ў Ваўкавыску, па прывілеях Жыгімонта III Вазы 1593 і 1603 гадоў валодаў в. Дзякі і Жылічы ў Ваўкавыскім павеце.
22 кастрычніка 1602 года напісаў тэстамент, пасля чаго хутка памёр.
Сям’я[правіць | правіць зыходнік]
Жанаты з Ганнай Есьман, пакінуў сыноў Яна (пам. 1649), Юрыя, Крыштафа, Мікалая і дачок — Хрысціну і Гальшку.
Герб[правіць | правіць зыходнік]
У гербе Крыштафа Алендскага звяртае на сябе ўвагу адмысловы кляйнот герба «Равіч»: мядзведзь згубіў ружу, зніклі рогі, затое з’явіліся два сцягі і ашыйнік. Магчыма, гэта мядзведзь з герба Жамойці. Характар кляйнота не пакідае сумненняў, што ён быў нададзены або непасрэдна Крыштафу Алендскаму, або каму іншаму з яго рода, як ганаровае адрозненне ў родавы герб за нейкія заслугі[1].
Зноскі
Літаратура[правіць | правіць зыходнік]
- Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 22. — 696 с. — ISBN 978-985-11-0487-7 (т. 3), ISBN 985-11-0315-2.