Курдыстанскія горы

З пляцоўкі Вікіпедыя
Перайсці да: рух, знайсці
Курдскія горы
Каардынаты: 36°40′00″ пн. ш. 36°46′00″ у. д. / 36.666667° пн. ш. 36.766667° у. д. (G) (O) (Я)
Вышыня вяршыні

4168 м


Курдскія горы (Турцыя)
Курдскія горы
Курдскія горы

Курдыстанскія горы (часам - Курдскія горы) — горы ва Усходняй Турцыі недалёка ад возера Ван, працягваюцца ў Іраку і Іране. Вышыня да 4 000 метраў. Апошнія паўстагоддзя - арэна супрацьстаяння курдскіх баевікоў і афіцыйнай Анкары з нагоды незалежнасці Курдыстана.

Прырода[правіць | правіць зыходнік]

Складаная сістэма хрыбтоў і масіваў вышынёю да 4168 м (г. Джыло). Грабяні хрыбтоў вышэй за 3500 м альпійскага тыпу, менш высокія пераважна плоскавяршынныя. Схілы моцна расчлянёныя вузкімі цяснінамі. Складзеныя з сланцаў, кварцытаў, мармуру, мергелю.

Горы знаходзяцца ў сейсманебяспечнай зоне, побач з некалькімі вулканамі і нясуць на сабе сляды вулканічнай актыўнасці, таму цікавыя з геалагічнага пункта гледжання.

Рэкі ў асноўным утвараюць левыя прытокі р. Тыгр. Ёсць горныя ледавікі. Клімат субтрапічны. Ападкаў на паўднёва-заходніх схілах 1000—3000 мм, на паўночна-ўсходніх — 400—700 мм за год.

На паўднёвых схілах міжземнаморскія лясы, хмызняк (маквіс), фісташкавыя і арчовыя рэдкалессі, на паўночных — горныя стэпы і фрыганападобная расліннасць; на плоскіх вяршынях — альпійскія лугі.

Гаспадарчая дзейнасць[правіць | правіць зыходнік]

Месца прамысловай здабычы карысных выкапняў. Качавая жывёлагадоўля. Па далінах рэк — сады, пасевы пшаніцы, кукурузы, ячменю.

Літаратура[правіць | правіць зыходнік]

  • БЭ ў 18 тамах. Т.9, Мн., 1999, С. 49 // Курдыстанскія горы (Курдскія горы)