Ларыса Фёдараўна Кузняцова

Ларыса Фёдараўна Кузняцова
Ларыса Фёдараўна Кузняцова
Нараджэнне	27 красавіка 1958 (65 гадоў); Гомель, Гомельская вобласць, БССР, СССР;
Адукацыя	Гомельскі дзяржаўны ўніверсітэт імя Францыска Скарыны;
Дзейнасць	настаўніца, палітык
Узнагароды	Ганаровая грамата Нацыянальнага сходу Рэспублікі Беларусь

Ларыса Фёдараўна Кузняцова (нар. 27 красавіка 1958, Гомель) — беларускі палітык і дзяяржаўны дзеяч.

Біяграфія[правіць | правіць зыходнік]

Скончыла Гомельскі дзяржаўны ўніверсітэт, гісторык. Працоўную дзейнасць пачала лабарантам кафедры хіміі Гомельскага дзяржаўнага ўніверсітэта. Працавала старшай піянерважатай, настаўнікам гісторыі сярэдняй школы № 39 горада Гомеля, загадчыкам сектара ўліку і фінансаў Гомельскага райкама ЛКСМБ, адказным сакратаром Гомельскай раённай арганізацыі таварыства «Веды», інструктарам ідэалагічнага аддзела Гомельскага райкама КПБ. З’яўлялася дырэктарам па вучэбна-выхаваўчай рабоце Урыцкай сярэдняй школы, дырэктарам Красненскай сярэдняй школы Гомельскага раёна, дырэктарам сярэдняй школы № 33 горада Гомеля. Займала пасады намесніка кіраўніка адміністрацыі Савецкага раёна горада Гомеля, начальніка аддзела адукацыі Гомельскага гарвыканкама.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].