Леанід Бенецыянавіч Гельфанд

Леанід Бенецыянавіч Гельфанд
Дата нараджэння	2 мая 1936(1936-05-02) (87 гадоў)
Месца нараджэння	Рагачоў, Рагачоўскі раён, БССР, СССР
Альма-матар	БПІ (1959)
Месца працы	Белпрампраект Мінскпраект
Член у	Саюз архітэктараў СССР Беларускі саюз архітэктараў

Леанід Бенецыянавіч Гельфанд (2 мая 1936, Рагачоў, Гомельская вобласць) — беларускі архітэктар.

Біяграфія

Скончыў Беларускі політэхнічны інстытут у 1959 годзе. Працаваў архітэктарам, кіраўніком групы архітэктараў у Белпрампраекце, з 1966 года — галоўны архітэктар праектаў у Мінскпраекце.

Член Саюза архітэктараў СССР з 1962 года. Пражывае ў Мінску.

Творчасць

Палац тэніса ў 1980-я

Гімназія № 7 па вул. Слясарнай

Асноўныя працы (у аўтарскім калектыве): НДІ тэхналогіі аўтамабільнай прамысловасці (1963), будаўнічых матэрыялаў (1966), 9-павярховыя (1970-80) і 12-павярховы (1986) жылыя дамы па вул. Пуліхава, школа па вул. Слясарнай (1977), Палац тэніса па праспекце Машэрава (1978), рэканструкцыя стадыёна «Дынама» (1980), комплекс інжынерна-лабараторных карпусоў па вул. Магілёўскай (1984), навучальны камбінат па вул. Шчадрына (1984), лабараторна-вытворчы корпус трэста «Аўтарамбудмантаж» па вул. Чарвякова (1985) у Мінску.

Літаратура

• Гельфанд Леонид Бенецианович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)