Леанід Рыгоравіч Брыч

Леанід Рыгоравіч Брыч
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	12 снежня 1958(1958-12-12) (65 гадоў) Заплессе, Драгічынскі сельсавет, Драгічынскі раён, Брэсцкая вобласць, БССР, СССР
Партыя	Беларуская патрыятычная партыя
Адукацыя	Беларускі дзяржаўны ўніверсітэт харчовых і хімічных тэхналогій
Узнагароды	Медаль «За працоўную доблесць»

Леанід Рыгоравіч Брыч (нар. 12 снежня 1958, в. Заплессе, Драгічынскі раён, Брэсцкая вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VI склікання.

Біяграфія

Скончыў Магілёўскі тэхналагічны інстытут, інжынер-тэхнолаг.

Працаваў тэхнолагам, начальнікам аддзела грамадскага харчавання ўпраўлення працоўнага забеспячэння «Галоўпалессеводбуд» г. Пінска, дырэктарам Пінскага трэста сталовых і рэстаранаў, дырэктарам адкрытага акцыянернага таварыства «Надзея-Пінск», генеральным дырэктарам адкрытага акцыянернага таварыства «Берасцейскі пекар» г. Брэста.

З’яўляўся дэпутатам Брэсцкага абласнога Савета дэпутатаў дваццаць шостага і дваццаць сёмага скліканняў.

З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання. Член Беларускай патрыятычнай партыі.

Узнагароды

• медаль «За працоўную доблесць»,
• ганаровая грамата Міністэрства сельскай гаспадаркі і харчавання Рэспублікі Беларусь,
• ганаровая грамата Брэсцкага абласнога выканаўчага камітэта.

Асабістае жыццё

Жанаты, мае дачку і сына.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь (бел.)