Леон Нікаля Брылюэн

Леон Нікаля Брылюэн
фр.: Léon Brillouin
Род дзейнасці	фізік, прафесар
Дата нараджэння	7 жніўня 1889(1889-08-07)
Месца нараджэння	Сеўр, дэпартамент О-дэ-Сен, рэгіён Іль-дэ-Франс, Метраполія Францыі, Францыя
Дата смерці	4 кастрычніка 1969(1969-10-04) (80 гадоў)
Месца смерці	Нью-Ёрк, штат Нью-Ёрк, ЗША
Грамадзянства	Францыя  ЗША
Бацька	Marcel Brillouin[d]
Месца працы	Браўнаўскі ўніверсітэт Гарвардскі ўніверсітэт Вісконсінскі ўніверсітэт у Мадысане Калеж дэ Франс Парыжскі ўніверсітэт
Альма-матар	Парыжскі ўніверсітэт Вышэйшая нармальная школа[d] Мюнхенскі ўніверсітэт Людвіга-Максіміліяна
Член у	Нацыянальная акадэмія навук ЗША
Узнагароды і прэміі	член Амерыканскага фізічнага таварыства[d] курс Пеко[d] (1919)
Медыяфайлы на Вікісховішчы

Леон Нікаля Брылюэн (фр. Léon Nicolas Brillouin, 18 жніўня 1889, Сеўр, Францыя — 4 кастрычніка 1969, Нью-Ёрк, ЗША) — французскі і амерыканскі фізік, заснавальнік сучаснай фізікі цвёрдага цела.

Біяграфія

Сям’я Брылюэна мела глыбокія навуковыя традыцыі. Яго прадзед па матчынай лініі, Шарль Брыё, займаў пасаду прафесара ў Сарбоне, дзед, Элётэр Маскар, выкладаў эксперыментальную фізіку ў Калеж дэ Франс і быў вядомы працамі ў галіне оптыкі і зямнога магнетызму. Яго бацька, Марсель Брылюэн на працягу 32 гадоў загадваў кафедрай тэарэтычнай фізікі ў Калеж дэ Франс і быў прызнаным фізікам-тэарэтыкам.

У 1908 годзе Брылюэн-малодшы паступае ў Вышэйшую нармальную школу ў Парыжы, дзе да гэтага вучыўся і яго бацька. Яму не падабаўся курс фізікі, таму ён наведваў курсы Поля Ланжэвена ў Калеж дэ Франс, на якіх упершыню даведаўся пра тэорыю адноснасці і квантавую механіку. Праслухаў таксама і курсы Жана Перэна па атамнай фізіцы і Мары Кюры па радыеактыўнасці.