Людзвінскае падняцце
Людзві́нскае падня́цце (ад назвы вёскі Людзвін у Хойніцкім раёне) — тэктанічная структура ў Хойніцкім раёне Гомельскай вобласці, у скляпенні Хойніцкага пахаванага выступу Прыпяцкага прагіну. Выяўлена ў 1971 годзе сейсмаразведачнымі работамі.
Па падсалявых адкладах Людзвінскае падняцце — монаклінальны блок памерамі 12×9 км, абмежаваны на захадзе, паўночным захадзе, усходзе і поўдні разрывамі. Паверхня падсалявых і міжсалявых адкладаў у межах падняцця апускаецца на паўночны захад адпаведна ад адзнак -1200 да -2000 і -800 да -1200 м. Па паверхні верхнефаменскай (верхні дэвон) саляноснай тоўшчы Людзвінскае падняцце — малаамплітудная брахіантыкліналь, заходняя перыкліналь якой размешчана над паднятай часткай падсалявога блока. Фарміравалася падняцце ў познафранскі і фаменскі час позняга дэвону, у меншай ступені ў карбоне і пермі.
Літаратура[правіць | правіць зыходнік]
- Людзвінскае падняцце // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.