Людміла Піліпаўна Яфіменка

Людміла Піліпаўна Яфіменка
укр.: Людмила Пилипівна Єфименко
Род дзейнасці	акцёрка, сцэнарыст, кінарэжысёр
Дата нараджэння	25 верасня 1951(1951-09-25) (72 гады) ці 25 кастрычніка 1951(1951-10-25) (72 гады)
Месца нараджэння	Кіеў, СССР
Грамадзянства	СССР  Украіна
Дзеці	Андрэй Ілленка[d]
Альма-матар	Усерасійскі дзяржаўны ўніверсітэт кінематаграфіі імя С. А. Герасімава
Член у	Нацыянальны саюз кінематаграфістаў Украіны[d]
Узнагароды і прэміі
Медыяфайлы на Вікісховішчы

Людміла Піліпаўна Яфіменка (нар. 25 верасня 1951, Кіеў) — украінская актрыса; выступіла таксама ў якасці педагога, кінасцэнарыста і кінарэжысёра. Заслужаная артыстка Украіны (1998), народная артыстка Украіны (2008). Таксама ўзнагароджана ордэнам княгіні Вольгі III ступені (2021).

Біяграфія

Нарадзілася 25 верасня 1951 года ў Кіеве (УССР). Скончыла акцёрскі факультэт УДІКа (1972, майстэрня Уладзіміра Белакурава). З 1972 года — актрыса кінастудыі імя А.Даўжэнкі.

Дацэнт кафедры кінарэжысуры і драматургіі факультэта кіно і тэлебачання Кіеўскага дзяржаўнага ўніверсітэта тэатральнага майстэрства ім. Карпенкі-Карага. Прозвішча пры нараджэнні — Яфіменка, аднак падчас кароткачасовага першага шлюбу (ад якога не было дзяцей) узяла прозвішча мужа — Цярзіева. Пасля другога шлюбу з рэжысёрам Юрыем Ільенкам узяла назад сваё дзявочае прозвішча — Яфіменка.

Муж — Юрый Ільенка, у шлюбе нарадзіліся два сыны — Піліп і Андрэй.

Акцёрскія працы

• 1972 — Выпадковы адрас — Люба Валошка.
• 1973 — Як гартавалася сталь — Тая, жонка Карчагіна
• 1973 — Эфект Рамашкіна — Тамара
• 1974 — т/с Мой лёс — Людміла Барабанава
• 1974 — Аповесць пра жанчыну
• 1976 — Сямейныя справы Гаюравых — Галіна Гарбунова
• 1977 — Не вер крыку начной птушкі
• 1978 — Свята печанай бульбы
• 1979 — Палоска няскошаных дзікіх кветак
• 1981 — Лясная песня. Маўка — Маўка
• 1983 — Легенда аб княгіні Вользе — Вольга (княгіня Кіеўская)
• 1983 — Міргарад і яго насельнікі — сястра Сторчанка
• 1985 — Кармялюк — Анастасія Маршаленка, памешчыца.
• 1987 — Саламяныя званы
• 1990 — Балаган — Вольга, жонка Івана
• 1990 — Лебядзінае возера. Зона — жанчына
• 1993 — Гетманскія клейноды
• 1999: «Аве Марыя» (галоўная роля)
• 2001 — Малітва аб гетмане Мазепе — Любоў Качубей