Лютсхарэл Гертройда

Лютсхарэл Гертройда
Лютсхарэл Гертройда
Агульная інфармацыя
Нарадзіўся	18 ліпеня 2000 (23 гады); Ротэрдам, Нідэрланды;
Грамадзянства	Нідэрланды;
Рост	1,84 м
Пазіцыя	абаронца
Клубная кар’ера
2018—0000	Феенорд
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ;
	Медыяфайлы на Вікісховішчы

Лютсхарэл Гертройда (нідэрл.: Lutsharel Geertruida; нар. 18 ліпеня 2000) — нідэрландскі футбаліст, абаронца клуба «Феенорд» і нацыянальнай зборнай Нідэрландаў. Можа згуляць на пазіцыі правага і цэнтральнага абаронцы, а таксама паўабаронцы абарончага плану.

Кар’ера[правіць | правіць зыходнік]

Клубная[правіць | правіць зыходнік]

Пры тым, што ігрок ёсць ураджэнцам Ратэрдама, свае першыя крокі ў дзіцячым футболе ён пачынаў з акадэміі Овермаас і клуба «Спарты». Пасля гэтага ў 2012 годзе далучыўся да акадэміі «Феенорда». У першай камандзе паклаў пачатак прафесійную кар’еру 25 кастрычніка 2017 года, калі з'явіўся на полі ў другім раўндзе Кубка Нідэрландаў супраць каманды «Свіфт»^[2].

Цягам сезона 2018—2919 гадоў Гертройда нязменна быў часткай першай каманды, але меў вельмі абмежаваны гульнявы час. То бок ігрок з'явіўся на гульнявой пляцоўцы толькі двойчы за ўвесь сезон Эрэдывізіі^[3]. Дэбютаваў у мясцовай лізе прыпаў на 23 снежня 2018 года, калі абаронца замяніў у матчы супраць «АДО Дэн Гааг» легенду клуба Робіна ван Персі на 79-й хвіліне. У тым жа годзе футбаліст згуляў за клуб у еўрапейскіх кубках. У наступным сезоне абаронца пачаў больш з'яўляцца на замены, а з сезона 2020—2021 гадоў займеў нашмат больш гульнявога часу. Свой першы гол у клубнай кашулі забіў 27 верасня 2020 года, пакрыўдзіўшы брамніка ўсё таго ж «АДО Дэн Гаага». У жніўні 2021 года Гертройда падоўжыў кантракт з клубам да 2024 года^[4].

Міжнародная[правіць | правіць зыходнік]

Улічваючы паходжанне іграка, ён меў магчымасць абараняць гонар Кюрасаа. Тым не менш, Гертройда прайшоў праз усе зборныя Нідэрландаў розных узростаў. 17 сакавіка 2023 года ён атрымаў свой першы выклік у нацыянальную зборную Нідэрландаў на адборачныя матчы чэмпіянату Еўропы 2024 года супраць зборных Францыі і Гібралтара^[5]. Дэбют іграка адбыўся праз тыдзень, калі ён выйшаў у першай адзінаццаты ў выязным матчы супраць зборнай Францыі, які скончыўся цяжкай паражэннем з лікам 4:0^[6].