Людміла Міхайлаўна Кальмаева

Людміла Міхайлаўна Кальмаева
Людміла Міхайлаўна Кальмаева
Дата нараджэння	3 жніўня 1946
Месца нараджэння	Мінск, БССР, СССР;
Дата смерці	11 жніўня 2022 (76 гадоў)
Месца смерці	Нідэрланды, Каралеўства Нідэрландаў;
Грамадзянства	СССР; Беларусь; Каралеўства Нідэрландаў;
Род дзейнасці	мастачка
Жанр	плакат, жывапіс, графіка і скульптура
Вучоба	Беларуская дзяржаўная акадэмія мастацтваў; Эстонская акадэмія мастацтваў;
Узнагароды

Людмі́ла Міха́йлаўна Кальма́ева (3 жніўня 1946, Мінск — 11 жніўня 2022^[1]) — беларуская мастачка-жывапісец, графік, плакатыстка, скульптарка.

Біяграфія[правіць | правіць зыходнік]

Да 1968 года навучалася ў Беларускім дзяржаўным тэатральна-мастацкім інстытуце, у 1973 годзе скончыла Дзяржаўны інстытут мастацтваў Эстонскай ССР, атрымала дыплом графіка-афарміцелькі.

Сябра Беларускага саюзу мастакоў з 1980 года.^[2]

У 1986—1992 гадах працавала выкладчыцай у Беларускім дзяржаўным тэатральна-мастацкім інстытуце. Распрацавала ўласную методыку выкладання акварэльнага жывапісу^[3].

З 1992 года жыла і працавала ў Арнэмаўдэне (Нідэрланды, правінцыя Зеландыя).^[2]

Творчасць[правіць | правіць зыходнік]

Рэгулярна выстаўлялася ў Беларусі^[2]. Вядома як выбітная плакатыстка і аўтарка іранічных постмадэрнісцкіх праектаў.

Працавала ў галіне плакату, станковай графікі, скульптуры і жывапісу. Міжнародную вядомасць атрымала афішамі для фільмаў і спектакляў^[4].

Творы «Свечка» (аловак, папера, гуаш), «Ахвяры» (аловак, папера), «Аголеныя фігуры ў руху» (аловак, папера, 3 аркушы), «Нацюрморт» (аловак, папера, акварэль), «Хлопчык» (аловак, папера), «Дзяўчына» (аловак, папера) экспанаваліся ў красавіку 1991 года на аўкцыёне Выстаўкі дасягненняў народнай гаспадаркі Беларускай ССР (аўкцыён твораў выяўленчага мастацтва) у Мінску.

Творы Людмілы Кальмаевай знаходзяцца ў Нацыянальным мастацкім музеі Беларусі, фондах Беларускага саюзу мастакоў, калекцыі Беларускага саюза дызайнераў, Нацыянальным музеі плакату ў Віланаве (Варшава), Музеі плакату ў Канагаве (Японія), прыватных калекцыях Нідэрландаў, Германіі, Францыі, ЗША і Мексікі.

Выстаўкі[правіць | правіць зыходнік]

2016 — Персанальная выстаўка «Сфера чалавека. Жывапіс і графіка Людмілы Кальмаевай»^[5] Нацыянальны мастацкі музей Беларусі, Мінск.
2013 — Выстаўка «Партрэты жыхароў дома старога Шэльдэгофа».
2011 — Групавая выстаўка «Беларускія мастакі ў свеце». Нацыянальны мастацкі музей Рэспублікі Беларусь, Мінск.
2011 — Выстаўка «Дыялогі» і казкі" Людмілы Кальмаевай. Музей сучаснага выяўленчага мастацтва ў Мінску.
2009 — Фестываль «Дах-9» у Мінску 11 кастрычніка 2009 года.^[6]
2009 — Праект Freedom4all, Нідэрланды.^[7]
2005 — Гендарны маршрут: фестываль ідэй пра «гендар» — эксперыментальны праект, Мінск.^[8]
1991 — Выстаўка дасягненняў народнай гаспадаркі Беларускай ССР, красавік 1991, аўкцыён твораў выяўленчага мастацтва, Мінск.

Узнагароды[правіць | правіць зыходнік]

1986 — медаль «За працоўную адзнаку»^[3].

Зноскі

[1] ttps://www.facebook.com/photo.php?fbid=5549954345026323

[:0-2] а ^б ^в http://www.belgazeta.by/ru/2008_09_08/radosti_zhizni/17311/

[:1-3] а ^б http://ludmilakalmaeva.blogspot.com/2011/03/my-story.html

[4] ttp://kalmaeva.weebly.com/

[5] ttp://www.artmuseum.by/ru/vyst/tek/sfera-chelovecheskogo Архівавана 25 чэрвеня 2016.

[6] ttp://ljukadach-9inminsk.blogspot.com/

[7] ttp://freedom4all-ljuka.blogspot.com/2011/07/freedom4all.html

[8] ttps://web.archive.org/web/20150922141423/http://belarus.indymedia.org/diff?old=1636&new=1530

[1]

[2]

[3]

[4]

[5]

[6]

[7]

[8]