Перайсці да зместу

Магамедхабіб Зайнудзінавіч Кадзімагамедаў

З Вікіпедыі, свабоднай энцыклапедыі
Магамедхабіб Кадзімагамедаў
Агульная інфармацыя
Поўнае імя Магамедхабіб Зайнудзінавіч Кадзімагамедаў
Грамадзянства  Расія →  Беларусь
Нарадзіўся 26 мая 1994(1994-05-26)[1] (32 гады)
Рост 175 см
Вага 77 кг
Вагавая
катэгорыя
да 74 кг
Кар'ера 2003 — цяперашні час
Каманда СШАР-3, БФСТ Дынама
Трэнер Гасан Абдулбасіраў, Муслім Амірасланаў, Жуматай Шубаеў
Стыль вольная барацьба
Званні
Майстар спорту Расіі міжнароднага класа
Майстар спорту Расіі міжнароднага класа
Іншая інфармацыя

Магамедхабіб Зайнудзінавіч Кадзімагамедаў (руск.: Магомедхабиб Зайнудинович Кадимагомедов; нар. 26 мая 1994, Хуштада, Дагестан, Расія) — расійскі, затым беларускі барэц вольнага стылю.

Спартыўная біяграфія

[правіць | правіць зыходнік]

Магамедхабіб Кадзімагамедаў нарадзіўся ў дагестанскім сяле Хуштада ў аварскай сям’і[3]. Спачатку займаўся футболам, а ў 7 гадоў перайшоў у вольную барацьбу. У 13 гадоў выйграў юнацкае першынство Расіі па вольнай барацьбе. У 2011 годзе ён пераехаў у Махачкалу і пачаў трэніравацца ў СШАР № 3 пад кіраўніцтвам Гасана Абдулбасірава і Мусліма Амірасланава[4].

У 2014 годзе ён выйграў некалькі міжнародных турніраў сярод дарослых. У далейшым станавіўся прызёрам турніраў «Аляксандр Мядзведзь» у Мінску, «Сцяпан Саркісян» у Арменіі, «Алі Аліеў» у Каспійску і Межкантынентальнага кубку ў Хасавюрце. У 2017 годзе перамог на чэмпіянаце Расіі ў катэгорыі да 70 кг, аднак на чэмпіянаце свету ў Парыжы заняў 7 месца[4].

Скончыў факультэт фізкультуры Дагестанскага дзяржаўнага педагагічнага ўніверсітэта[d]. Майстар спорту Расіі міжнароднага класа.

У 2018 годзе з-за высокай канкурэнцыі ў расійскай зборнай пераехаў у Беларусь[3], дзе ў 2019 годзе атрымаў від на жыхарства. У Беларусі ён стаў трэніравацца ў Гродзенскай дзіцяча-юнацкай спартыўнай школе «Абухава» пад кіраўніцтвам Аляксандра Журуна. У 2020 годзе стаў чэмпіёнам Беларусі па вольнай барацьбе і чэмпіёнам Еўропы ў катэгорыі да 79 кг, у снежні заваяваў бронзавы медаль Кубка свету.

У 2020 годзе залічаны ў Гродзенскі абласны комплексны цэнтр алімпійскага рэзерву. З’яўляецца членам нацыянальнай зборнай каманды Рэспублікі Беларусь і стыпендыятам Гродзенскага абласнога Савета дэпутатаў. У цяперашні час трэніруецца пад кіраўніцтвам заслужанага трэнера Рэспублікі Беларусь Жуматая Шубаева[4].

Магамедхабіб Кадзімагамедаў (крайні справа ў верхнім шэрагу) на беларускай паштовай марцы 2021 года

На XXXII летніх Алімпійскіх гульнях 2020 года заваяваў сярэбраны медаль у катэгорыі 69—74 кг[4].

Асноўныя дасягненні
  • Чэмпіён чэмпіён Еўропы ў катэгорыі да 79 кг: 2020;
  • Чэмпіён чэмпіён Беларусі ў катэгорыі да 79 кг: 2020;
  • Чэмпіён чэмпіён Расіі ў катэгорыі да 79 кг: 2017;
  • Сярэбраны прызёр сярэбраны прызёр Алімпійскіх гульняў у катэгорыі да 74 кг: 2020;
  • Бронзавы прызёр бронзавы прызёр індывідуальнага Кубка свету ў катэгорыі да 79 кг: 2020.

Палітычныя погляды

[правіць | правіць зыходнік]

Падпісаў адкрыты ліст спартыўных дзеячаў Беларусі, якія выступаюць за дзеючую ўладу краіны пасля падаўленняў апазіцыйных пратэстаў у 2020 годзе[5].

Узнагароджаны ордэнам Пашаны (2022)[6], граматай Гродзенскага абласнога Савета дэпутатаў (2021)[7].

Зноскі

  1. ↑ https://whatsmat.uww.org/daten.php?spid=64490B4F5B0746A9BACBE996412D72F5
  2. ↑ https://www.olympedia.org/athletes/141101
  3. 1 2 Алексей Белоусов.. Кто такой Магомедхабиб Кадимагомедов, который принес Беларуси серебро Олимпиады в Токио в вольной борьбе (руск.). Комсомольская правда (6 жніўня 2021). Праверана 13 жніўня 2021.(недаступная спасылка)
  4. 1 2 3 4 Светлана Вакула, Наталия Аплевич.. Кадимагомедов Магомедхабиб (Обухово, Гродненский район) принес в копилку Беларуси серебряную медаль. (руск.). Управление спорта и туризма Гродненского облисполкома (6 жніўня 2021). Праверана 13 жніўня 2021.
  5. ↑ Подписи. Открытое обращение спортивной общественности Беларуси. Праверана 13 жніўня 2021.
  6. ↑ Прадстаўнікі сферы спорту ўзнагароджаны ордэнамі і медалямі за дасягненне высокіх спартыўных вынікаў на летніх Алімпійскіх і Паралімпійскіх гульнях у Токіа // Афіцыйны інтэрнэт-партал Прэзідэнта Рэспублікі Беларусь, 14 студзеня 2022.
  7. ↑ Наталья Аплевич.. Ведущие спортсмены и тренеры принеманского края отмечены высшими наградами Гродненской области (руск.). Управление спорта и туризма Гродненского облисполкома (20 студзеня 2021). Праверана 13 жніўня 2021.