Маджура (атол)
| Маджура | |
|---|---|
| марш. Mājro, англ. Majuro | |
 Выгляд з космасу | |
| Характарыстыкі | |
| Плошча | 11 км² |
| Насельніцтва | 26 000 чал. (2010) |
| Шчыльнасць насельніцтва | 2 363,64 чал./км² |
| Размяшчэнне | |
| 7°04′ пн. ш. 171°16′ у. д.HGЯO | |
| Архіпелаг | Маршалавы Астравы |
| Акваторыя | Ціхі акіян |
| Краіна | |
 | |
 Медыяфайлы на Вікісховішчы | |
Маджура (англ.: Majuro, маршал.: Mājro) — атол у складзе Маршалавых Астравоў. Плошча сушы - 9,7 км² (згодна апошнім даследаванням 2009 г. - 11 км²). Насельніцтва (2010 г.) - 26000 чал. На Маджура знаходзіцца горад Маджура, сталіца Маршалавых Астравоў.
Геаграфія[правіць | правіць зыходнік]
Маджура — тыповы каралавы атол, які складаецца з 64 астравоў, якія атачаюць прасторную лагуну (295,05 км², згодна даследаванням 2009 г. - 288 км²)[1]. Найбуйнейшы востраў Маджура знаходзіцца на поўдзень ад лагуны. У яго крайняй усходняй частцы, а таксама на астравах Далап, Уліга і Дарыт (Дарэн) месціцца горад Маджура. Прыкладна 6 км² сушы займаюць какосавыя гаі і хмызнякі.
Клімат экватарыяльны вільготны. Сярэднегадавая тэмпература — ад +25 °C да +30 °C. Сярэднегадавая колькасць ападкаў — 3 353 мм.
Гісторыя[правіць | правіць зыходнік]
У старажытнасці атол Маджура быў населены мікранезійцамі, продкамі сучасных маршальцаў. У 1788 г. адкрыты брытанцам Джонам Маршалам. У XIX ст. трапіў пад уплыў правадыроў з атола Джалуіт, якія распаўсюдзілі свой уплыў на ўвесь усходні ланцуг астравоў Ратак. У 1885 - 1914 гг. знаходзіўся пад пратэктаратам Германіі. У 1914 - 1944 гг. — пад кантролем Японіі. 30 студзеня 1944 г. на ім высадзіліся амерыканскія ваенныя. Яны выкарыстоўвалі Маджура як базу для захопу атолаў Эневетак і Кваджалейн. У пасляваенны час з Джалуіта на Маджура была перанесена адміністрацыя Маршалавых Астравоў.
Насельніцтва[правіць | правіць зыходнік]
На Маджура жыве амаль палова насельніцтва Маршалавых Астравоў, переважна ў горадзе Маджура. Імклівы рост насельніцтва пачаўся ў пасляваенны час, што было звязана з урбанізацыяй:
| 1930 | 1958 | 1967 | 1973 | 1980 | 1988 | 1999 | 2010 |
|---|---|---|---|---|---|---|---|
| 753 | 3.415 | 5.249 | 10.290 | 11.791 | 19.664 | 23.676 | 26.000 |
Большасць насельнікаў Маджура — маршальцы. Акрамя таго, тут жывуць амерыканцы, выхадцы з азіяцкіх краін, прадстаўнікі іншых народаў Акіяніі.
Зноскі
- ↑ Majuro Atoll, Republic of the Marshall Islands Архівавана 13 сакавіка 2013.