Мадлен Французская

З пляцоўкі Вікіпедыя
Jump to navigation Jump to search
Мадлен Французская
фр.: Madeleine de France
MadeleinedeValois.jpg
Партрэт працы Карнеля дэ Ліёна
Arms of Madeleine of Valois as Queen consort of Scots.svg
Сцяг Каралева-кансорт Шатландыі
1 студзеня 1537 — 7 ліпеня 1537
Папярэднік Маргарыта Цюдар
Пераемнік Марыя дэ Гіз
жонка караля Шатландыі Якава V

Нараджэнне 10 жніўня 1520
Смерць 7 ліпеня 1537 (16 гадоў)
Месца пахавання
Род Дынастыя Валуа
Бацька Францыск I[1]
Маці Клод Французская[1]
Муж Якаў V, кароль Шатландыі[1][2]
Веравызнанне каталіцтва
Commons-logo.svg Мадлен Французская на Вікісховішчы

Мадлен Французская (фр.: Madeleine de France; або Мадлен дэ Валуа (фр.: Madeleine de Valois); 10 жніўня 1520 — 7 ліпеня 1537) — першая жонка караля Шатландыі Якава V[3].

Біяграфія[правіць | правіць зыходнік]

Прынцэса Мадлен была пятым дзіцем караля Францыі Францыска I ад яго шлюбу з Клод, герцагіняй Брэтонскай[3]. Слабая і хваравітая з нараджэння, прынцэса правяла дзяцінства ў даліне Луары, таму што яе бацька асцерагаўся, што жыццё ў Парыжы можа неспрыяльна адбіцца на яе стане. У шаснаццацігадовым узросце ў яе былі выяўлены сухоты.

У 1536 годзе Якаў V, кароль Шатландыі, прыбыў да двара Францыска з мэтай знайсці сабе нявесту з багатым пасагам, які папоўніў б спусцелую казну, а таксама па магчымасці ўмацаваць сувязі з французскім каралеўствам[4]. Яго ўвагу прыцягнула прынцэса Мадлен, і ён прасіў яе рукі. Але Францыск, памятаючы пра яе хваробу і суровы клімат Шатландыі, які мог апынуцца пагібельным для дачкі, спачатку адказаў адмовай. Разглядаліся таксама заручыны з Марыяй дэ Гіз, але Якаў аддаў перавагу прынцэсе.

Паколькі і сама Мадлен выказала вялікую цікавасць да маладога шатландскага караля, паўторная прапанова Якава была прынята. Яны абвянчаліся 1 студзеня 1537 года ў Саборы Парыжскай Божай Маці. Праз гэты шлюб Францыск і Якаў спадзяваліся аднавіць і ўмацаваць Стары саюз паміж Шатландыяй і Францыяй. Акрамя таго, кароль даў за дачку шчодры пасаг[4].

Пасля некалькіх месяцаў святочных урачыстасцей у маі 1537 года маладыя адбылі ў Шатландыю. На той момант здароўе Мадлен ужо выклікала сур’ёзныя асцярогі, і 7 ліпеня, праз некалькі тыдняў пасля прыезду, яна сканала на руках у мужа[4].

Каралева Мадлен была пахавана ў Холірудскім абацтве ў Эдынбургу. Менш чым праз год пасля яе смерці Якаў ажаніўся з Марыяй дэ Гіз[4].

Зноскі

  1. 1,0 1,1 1,2 Kindred Britain
  2. (unspecified title) Праверана 7 жніўня 2020.
  3. 3,0 3,1 Madeleine de Valois (англ.) . thepeerage.com. Архівавана з першакрыніцы 13 красавіка 2012. Праверана 30 студзеня 2010.
  4. 4,0 4,1 4,2 4,3 James V: Undiscovered Scotland (англ.) . undiscoveredscotland.co.uk. Архівавана з першакрыніцы 13 красавіка 2012. Праверана 30 студзеня 2010.

Спасылкі[правіць | правіць зыходнік]