Майкл Эсьен

Майкл Эсьен
Агульная інфармацыя
Поўнае імя	Майкл Коджа Эсьен
Нарадзіўся	3 снежня 1982(1982-12-03) (41 год) Акра, рэгіён Вялікая Акра, Гана
Грамадзянства	Гана
Рост	177 см
Вага	85 кг
Пазіцыя	апорны паўабаронца
Інфармацыя пра клуб
Клуб	Норшэлан
Пасада	трэнер
Маладзёжныя клубы
1999—2000 Ліберці Прафешыяналз
Клубная кар’ера
2000—2003 Бастыя 66 (11) 2003—2005 Ліён 71 (7) 2005—2014 Чэлсі 168 (17) 2012—2013 →  Рэал Мадрыд 21 (2) 2014—2015 Мілан 20 (0) 2015—2016 Панатынаікос 13 (1) 2017 Персіб Бандунг 29 (5) 2019—2020 Сабаіл 14 (0)
Нацыянальная зборная
1999 Гана (да 17) 5 (0) 2001 Гана (да 20) 7 (1) 2002—2014 Гана 58 (9)
Трэнерская кар’ера
2020— Норшэлан трэнер
Узнагароды і медалі
Кубкі афрыканскіх нацый Бронза Гана 2008 Срэбра Ангола 2010
Медыяфайлы на Вікісховішчы

Майкл Эсьен (англ.: Michael Essien; нар. 3 снежня 1982, Акра, Гана) — ганскі футбаліст (апорны паўабаронца) і трэнер. Ігрок нацыянальнай зборнай Ганы (2002—2014). У цяперашні час працуе трэнерам у дацкім клубе «Норшэлан».

Эсьен фізічна развіты, няўступлівы ў адзінаборствах, можа адыходзіць назад на любое месца ў абароне, часта падлучаецца да нападаў, нярэдка б’е па варотах здалёк. Можа гуляць на ўсіх пазіцыях абароны, у цэнтры паўабароны і на фланзе. Таксама акрамя апорніка можа гуляць плэймэйкера. Майкл з’яўляўлся капітанам зборнай Ганы па футболе.

Клубная кар’ера

Майкл Эсьен нарадзіўся ў Акры, сталіцы Ганы, там жа пачаў займацца футболам, першым яго прафесійным клубам стаў мясцовы «Ліберці». У «Бастыі» Эсьена часцяком параўноўвалі з Патрыкам Віейра за такую жа калянасць у адзінаборствах. Паступова стаўшы лідарам каманды, паўабаронца вывеў карсіканцаў у Кубак УЕФА, забіўшы ў чэмпіянаце Францыі 6 галоў. У 2002 годзе за 7,8 мільёнаў еўра Майкл перайшоў у «Ліён». За 2 сезоны ў «Ліёне» ён двойчы выйграў чэмпіянат Францыі, а таксама быў прызнаны лепшым іграком 2005 года Французскай асацыяцыяй прафесійных футбалістаў (5 галоў у 10 матчах Лігі чэмпіёнаў).

«Чэлсі»

19 жніўня 2005 года Эсьен, за рэкордную для афрыканскага іграка суму ў 26 мільёнаў фунтаў (47 мільёнаў долараў), перайшоў у «Чэлсі» з французскага «Ліёна». Дэбют у новай камандзе адбыўся 21 жніўня 2005 года ў матчы супраць «Арсенала». У сезоне 2006/07 быў прызнаны найлепшым іграком «Чэлсі». У 2007 годзе Эсьен падпісаў новы пяцігадовы кантракт, па якім яго зарплата складала 90 тысяч фунтаў у тыдзень. Сезон 2012/13 правёў у арэндзе ў мадрыдскім «Рэале».

Апошнія гады

У студзені 2014 года падпісаў кантракт на 1,5 года з «Міланам». У чэрвені 2015 года стаў іграком «Панатынаікоса», праз год пакінуў каманду. У сакавіку 2017 года далучыўся да інданезійскага клуба «Персіб Бандунг». Пакінуў «Персіб Бандунг» у сакавіку 2018 года.

У сакавіку 2019 года папоўніў склад азербайджанскага «Сабаіла», дзе таксама ўвайшоў у трэнерскі штаб юнацкай каманды. У верасні 2020 года, завяршыўшы кар’еру, стаў трэнерам у дацкім «Норшэлане».

Міжнародная кар’ера

Эсьен — самы дарагі футбаліст Афрыкі. Ён з’яўляецца самым тытулаваным футбалістам у складзе зборнай Ганы, хоць па ўзросце ён з’яўляўся адным з самых маладых. У складзе юнацкай зборнай ён станавіўся пераможцам чэмпіянату Афрыкі і бронзавым прызёрам чэмпіянату свету 1997 года ў Новай Зеландыі.

Дасягненні

• Па версіі BBC трэці найлепшы футбаліст Афрыкі ў 2007 годзе.
• Найлепшы футбаліст «Чэлсі» ў сезоне 2006/07.

Спасылкі

• На Вікісховішчы ёсць медыяфайлы па тэме Майкл Эсьен
• Germany06.ru
• Прэм’ер-Ліга