Марк Іосіфавіч Петракавец

Марк Іосіфавіч Петракавец
Дата нараджэння	10 красавіка 1937(1937-04-10)
Месца нараджэння	Гомель, БССР, СССР
Дата смерці	18 лістапада 2006(2006-11-18) (69 гадоў)
Месца смерці	Гомель, Гомельская вобласць, Беларусь
Грамадзянства	Беларусь  СССР
Род дзейнасці	навуковец
Навуковая сфера	трыбалогія[d]
Месца працы	Інстытут механікі металапалімерных сістэм імя У. А. Белага НАН Беларусі
Навуковая ступень	доктар тэхнічных навук
Альма-матар	Гомельскі педагагічны інстытут імя В. П. Чкалава (1959)
Навуковы кіраўнік	Уладзімір Аляксеевіч Белы

Марк Іосіфавіч Петракавец (10 красавіка 1937, Гомель — 18 лістапада 2006) — беларускі вучоны ў галіне трыбалогіі. Доктар тэхнічных навук.

Біяграфія

Нарадзіўся у Гомелі. Скончыў Гомельскі педагагічны інстытут (1959). Працаваў настаўнікам на Брэстчыне. З 1963 года ў Інстытуце механікі металапалімерных сістэм НАНБ — лабарант, старшы механік, малодшы, старшы, вядучы і галоўны навуковы супрацоўнік. У 1970 г. абараніў кандыдацкую дысертацыю. Асноўны напрамак яго навуковых даследаванняў — механіка дыскрэтнага фрыкцыйнага кантакту і яе прыкладанне да разліку вузлоў трэння. Аўтар звыш 80 навуковых прац і публікацый, у т.л. 7 манаграфій (3 выдадзены за мяжой). Мае 4 аўтарскія пасведчанні на вынаходніцтвы.

Член рэдакцыйнага савета міжнароднага часопіса «Трение и износ», Беларускага трыбалагічнага таварыства, спецыялізаванага савета Інстытута механікі металапaлімерных сіcтэм Нацыянальнай АН Беларусі па абароне доктарскіх дысертацый.

Бібліяграфія

• Трение полимеров. — М., 1972 (в соавторстве).
• Трение и износ материалов на основе полимеров. — Мн., 1976 (совместно с В. А. Белым, В. Г. Савкиным, А. И. Свириденком).
• Механика дискретного фрикционного контакта. — Мн.: Навука і тэхніка, 1990 (совм. с Свириденком А. И., Чижиком С. А.).
• Tribology of polymers: adhesion, friction, wear, and mass-transfer. Tribology International. (совм. с Мышкиным Н. К.. Ковалевым А. В.).

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 332. — 10 000 экз. — ISBN 985-11-0035-8. — ISBN 985-11-0198-2 (т. 12).