Мацьё Нгуджола Чуі
| Мацьё Нгуджола Чуі | |
|---|---|
| Дата нараджэння | 8 кастрычніка 1970 (53 гады) |
| Месца нараджэння | |
| Грамадзянства | |
| Прыналежнасць | ФНІ, ПССІ, УС ДРК |
| Род войскаў | паўстанцкае апалчэнне |
| Званне | палкоўнік |
| Бітвы/войны | Другая кангалезская вайна, Ітурыйскі канфлікт |
.svg){kind=small}
.svg){kind=small}
Мацьё Нгуджола Чуі (фр.: Mathieu Ngudjolo Chui; нар. 8 кастрычніка 1970[1]) — палкоўнік Узброеных сіл ДР Конга, былы баявік груповак «Фронт нацыяналістаў і інтэграцыяністаў» і «Патрыятычныя сілы супраціўлення Ітуры».
Біяграфія[правіць | правіць зыходнік]
Сын беднага фермера[2]. Нарадзіўся ў горадзе Бунія, правінцыя Ітуры. Паходзіць з народа ленду[1].
Служыў капралам у арміі Заіра (папярэдняя назва ДР Конга)[2]. Падчас Першай кангалезскай вайны дэзерціраваў. Пазней працаваў медбратам Чырвонага Крыжа[2][3]. У апошні год Другой кангалезскай вайны далучыўся да антыўрадавых сіл[2][3]. У перыяд са жніўня 2002 года па жнівень 2006 года займаў кіруючыя пасады ў шэрагу ітурыйскіх паўстанцкіх груповак[4]. У рэшце рэшт Нгуджола падпісаў мірнае пагадненне з кангалезскім урадам. У рамках прымярэння ён стаў палкоўнікам узброеных сіл[4].
23 кастрычніка 2003 года затрыманы па абвінавачванню ў забойстве іншага паўстанца, але неўзабаве быў апраўданы і вызвалены[4].
6 лютага 2008 года ўлады затрымалі Нгуджолу па абвінавачваннях у ваенных злачынствах і злачынствах супраць чалавечнасці, перадаўшы былога баевіка Міжнароднаму крымінальнаму суду[5]. Адным з галоўных эпізодаў у справе быў напад на вёску Багаро ў правінцыі Ітуры 24 лютага 2003 года. Нгуджола былі таксама прад’яўленыя абвінавачванні ў вярбоўцы і выкарыстанні дзяцей-салдат, у рабаваннях, сексуальным гвалце над захопленымі жанчынамі і дзяўчынкамі, утрыманні палонніц у нечалавечых умовах[6].
У снежні 2012 года апраўданы, так як бок абвінавачвання не прадставіў важкіх доказаў датычнасці былога паўстанца да злачынстваў[7][8].
Сям’я[правіць | правіць зыходнік]
Жонка — Семаке Лемі. Мае 2 дзяцей[1].
Заўвагі[правіць | правіць зыходнік]
- ↑ а б в International Criminal Court (6 July 2007). Warrant of arrest for Mathieu Ngudjolo Chui. Архівавана з першакрыніцы 25 June 2008. (208 KB). Retrieved 7 February 2008.
- ↑ а б в г Tristan McConnell (15 February 2008)."A Congo warlord – arrested for crimes against humanity – explains himself". The Christian Science Monitor. Retrieved 10 March 2008.
- ↑ а б Agence France-Presse (7 February 2008). Mathieu Ngudjolo: From nurse to Ituri warlord. Retrieved 10 March 2008.
- ↑ а б в International Criminal Court (7 February 2008). Combined Factsheet: Situation in the Democratic Republic of the Congo: Germain Katanga and Mathieu Ngudjolo Chui(недаступная спасылка). Архівавана з першакрыніцы 31 снежня 2023. Праверана 22 студзеня 2024. (352 KB). Retrieved 7 February 2008.
- ↑ International Criminal Court (7 February 2008). Third detainee for the International Criminal Court: Mathieu Ngudjolo Chui Архівавана 23 чэрвеня 2007 года.. Retrieved 7 February 2008.
- ↑ Г.М. Сидорова Вооруженные конфликты в районе Великих африканских озер и преступления против человечности // Вестник Московского государственного лингвистического университета. Общественные науки. — 2016. — С. 118—129.
- ↑ DR Congo: Mathieu Ngudjolo Chui acquitted of war crimes by ICC. BBC News Online (18 снежня 2012). Праверана 20 December 2012.
- ↑ Gaskins, Richard, рэд. (2022). The Trial of Germain Katanga and Mathieu Ngudjolo. The Congo Trials in the International Criminal Court (2 ed.). Cambridge University Press. pp. 291–374. doi:10.1017/9781009208772.009. ISBN 978-1-009-20877-2.
Спасылкі[правіць | правіць зыходнік]
- The Prosecutor v Germain Katanga and Mathieu Ngudjolo Chui — public court records relating to the ICC trial