Мая Уладзіміраўна Крысталінская

Мая Крысталінская
Асноўная інфармацыя
Дата нараджэння	24 лютага 1932(1932-02-24)
Месца нараджэння	Масква, РСФСР
Дата смерці	19 чэрвеня 1985(1985-06-19) (53 гады)
Месца смерці	Масква, СССР
Месца пахавання	Данскія могілкі[d]
Краіна	СССР
Муж	Аркадзь Арканаў[d]
Альма-матар	Маскоўскі авіяцыйны інстытут
Музычная дзейнасць
Прафесіі	спявачка
Пеўчы голас	мецца-сапрана
Інструменты	вакал
Жанры	эстрада
Узнагароды
Медыяфайлы на Вікісховішчы

Мая Крысталінская (руск.: Майя Владимировна Кристалинская; 24 лютага 1932, Масква — 19 чэрвеня 1985) — савецкая эстрадная спявачка. Заслужаная артыстка РСФСР (1974).

Біяграфія

Спявала ў хоры Цэнтральнага дома дзяцей чыгуначнікаў пад кіраўніцтвам Ісаака Дунаеўскага. Скончыла Маскоўскі авіяцыйны інстытут, працавала на заводзе інжынерам-эканамістам, удзельнічала ў завадской самадзейнасці. У 1957 годзе стала лаўрэатам VI Сусветнага фестывалю моладзі і студэнтаў у Маскве, на якім выступала з самадзейным ансамблем «Першыя крокі» пад кіраўніцтвам Юрыя Саульскага. У 1959—1960 гадах працавала салісткай у джаз-аркестры Алега Лундстрэма. З 1961 года — салістка Масканцэрта. У апошнія гады жыцця спявачка перакладала з нямецкай мовы кнігу Марлен Дытрых «Разважанні». Кніга выйшла ў СССР ужо пасля смерці Маі Крысталінскай.

Мая Крысталінская пахаваная ў Маскве на Данскіх могілках.