Мурат Ансарбіевіч Хотаў

Мурат Хотаў
Мурат Хотаў
Поўнае імя	Мурат Ансарбіевіч Хотаў
Нарадзіўся	2 чэрвеня 1987 (37 гадоў); Нетрызава, Нетрызаўскае сельскае паселішча[d], Кардымаўскі раён, Смаленская вобласць, РСФСР, СССР;
Грамадзянства	Расія
Рост	179 см
Вага	73 кг
Пазіцыя	паўабаронца
Інфармацыя пра клуб
Клуб	Дняпро (Смаленск)
Клубная кар’ера
2022—	Дняпро (Смаленск)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 чэрвеня 2022. ;

Мурат Хотаў (нар. 2 чэрвеня 1987) — расійскі футбаліст, паўабаронца смаленскага «Дняпра».

Клубная кар’ера

Выхаванец смаленскага футбола, гуляў за мясцовы «Смаленск» (пазней перайменаваны ў «Дняпро»), іншыя клубы ніжэйшых расійскіх ліг. У сезоне 2011/12 у складзе «Петратрэста» перамог у Другой лізе і трапіў у ФНЛ.

У лютым 2013 года перайшоў у наваполацкі «Нафтан». Хутка замацаваўся ў асноўным складзе на пазіцыі флангавага (звычайна правага) паўабаронцы. Свой першы гол за «Нафтан», аднак, забіў толькі 2 лістапада 2013 года ў браму брэсцкага «Дынама».

У сезоне 2014 застаўся асноўным правым паўабаронцам навапалачан. 26 верасня 2014 года адзначыўся голам, які дапамог «Нафтану» згуляць унічыю (2:2) з БАТЭ^[2]. У лютым 2015 года на адзін сезон падоўжыў кантракт з «Нафтанам»^[3]. Сезон 2015 пачынаў правым паўабаронцам, а з лета перайшоў на пазіцыю левага абаронцы.

У снежні 2015 года стала вядома, што Мурат не будзе выступаць у «Нафтане» ў сезоне 2016^[4]. У лютым 2016 года прыбыў на прагляд у «Віцебск»^[5], але не падышоў і пазней апынуўся ў складзе магілёўскага «Дняпра», з якім у красавіку падпісаў кантракт^[6]. Галоўны трэнер магілёўчан Аляксандр Сяднёў пачаў выкарыстоўваць Хотава на пазіцыі атакуючага паўабаронцы, у выніку Мурат з 19 галамі стаў найлепшым бамбардзірам Першай лігі і дапамог камандзе вярнуцца ў элітны дывізіён.

У пачатку 2017 года спрабаваў працаўладкаваца ў Расіі, але ў выніку ў лютым падоўжыў кантракт з магіляўчанамі^[7]. Працягваў трывала выступаць у аснове, у першай палове сезона 2017 адзначыўся чатырма галамі. У ліпені 2017 года «Дняпро» па пагадненні бакоў разарваў кантракт з паўабаронцам^[8].

Неўзабаве пасля зыходу з магілёўскага клуба далучыўся да «Слуцка» і падпісаў кантракт^[9]. Хутка замацаваўся ў аснове случан, аднак у кастрычніку атрымаў траўму, вярнуўся на поле ў лістападзе. Сезон 2018 пачынаў у стартавым складзе, пазней стаў выхадзіць на замену, з верасня вярнуў месца ў старце. У снежні 2018 года падоўжыў кантракт са «Слуцкам»^[10]. Пачыаў сезон 2019 у запасе, з красавіка стаў выхадзіць у стартавым складзе, аднак у чэрвені атрымаў траўму, з-за якой выбыў да канца сезона. У снежні 2019 года па пагадненні бакоў разарваў кантракт са «Слуцкам»^[11].

У лютым 2020 года стаў іграком «Гомеля»^[12]. З-за траўм мала выхадзіў на поле, звычайны з’яўляючыся на замену ў канцы матча. У студзені 2021 года стала вядома, што паўабронца па заканчэнні кантракт пакінуў гомельскі клуб^[13].

У лютым 2021 года падпісаў кантракт з магілёўскім «Дняпром»^[14]. Пакінуў клуб у студзені 2022 года^[15].

У маі 2022 года папоўніў склад адроджанага смаленскага «Дняпра», які стаў выступаць у чэмпіянаце Смаленскай вобласці.

Дасягненні

Пераможца Другога дывізіёна чэмпіянату Расіі: 2011/2012 (зона Захад)
Найлепшы бамбардзір Першай лігі чэмпіянату Беларусі: 2016 (19 галоў)

Зноскі

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 чэрвеня 2022.

[_f6d53dca8bc4704d-1] Murat Khotov // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[3] Валерий Стрипейкис: "Хотов? Пусть дальше ходит по полю пешком, главное, что забивает нужные для команды мячи"

[4] Гунчак, Зюлев, Сучков, Хотов, Шкабара и Демидович продлили соглашения с "Нафтаном"

[5] Футбол. Валерий Стрипейкис: не будет Карповича, Хотова, Космынина, Хаткевича. В "Нафтане" осталась одна молодежь и Довгялло

[6] Хотов на просмотре в "Витебске", со Шляковым контракт решено не заключать

[7] Хотов и Артем Сокол перешли в могилевский «Днепр»

[8] Павлов и Довгялло стали игроками "Днепра". Зыль и Хотов продлили контракты с клубом

[9] Хотов и Чумак покинули "Днепр"

[10] Мурат Хотов стал игроком "Слуцка"

[11] Не игравший с января 2017 года Бамба вернулся в "Слуцк", восемь игроков продлили контракты с клубом

[12] "Слуцк" расстался с Хотовым и Тимошенко

[13] Хотов сменил "Слуцк" на "Гомель"

[14] Каплунов, Луцевич, Трояков и хотов покинули "Гомель"

[15] Мурат Хотов вернулся в могилевский "Днепр" (нявызн.)(недаступная спасылка). Архівавана з першакрыніцы 17 мая 2022. Праверана 26 лютага 2021.

[16] Хотов, Федянин и Ясинский покинули "Днепр"

[1]

[* 1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]