Мікалай Багданавіч Энгельгарт

Мікалай Багданавіч Энгельгарт
3-і Кіраўнік Магілёўскага намесніцтва 1781 — 1790
Манарх	Кацярына II
Папярэднік	Пётр Багдановіч Пасек
Пераемнік	Сяргей Кузьміч Вязьміцінаў
3-і Магілёўскі віцэ-губернатар 1779 — 1781
Губернатар	Пётр Багдановіч Пасек
Папярэднік	Мікалай Лявонцьевіч Варонін
Пераемнік	Герасім Іванавіч Чарамісінаў
Нараджэнне	1737
Смерць	1816 Смаленск, Смаленская губерня, Расійская імперыя
Род	Энгельгарты
Бацька	Багдан Мікалаевіч Энгельгарт[d]
Маці	Пелагея Радванская[d]
Дзеці	Леў Мікалаевіч Энгельгарт[d]
Ваенная служба
Гады службы	—1774
Прыналежнасць	Расійская імперыя
Род войскаў	армія
Званне	палкоўнік
Бітвы	Сямігадовая вайна
Узнагароды

Мікалай Багданавіч Энгельгарт (руск.: Николай Богданович Энгельгардт; 1737 — 1816, Смаленск) — правадзейны стацкі саветнік, у 1781—1790 гг. магілёўскі губернатар.

Біяграфія

Паходзіў са смаленскага шляхецкага роду Энгельгартаў. Старэйшы сын палкоўніка Багдана Энгельгарта і Пелагеі з Радванскіх. Бацька валодаў часткай маёнткаў Калковічы і Скакочына. Стрыечны брат бацькі быў у шлюбе з сястрой князя Пацёмкіна, дзякуючы чаму меў ад апошняга пратэкцыю.

Браў удзел у баях Сямігадовай вайны. Кадэт на 25 мая 1755 года, харужы па патэнту 26 студзеня 1758 года, падпаручык артылерыі па патэнту 1758 года, у штату графа Пятра Іванавіча Шувалава па патэнту 1 студзеня 1761 года, падпалкоўнік па патэнту 1 студзеня 1766 года, зволены палкоўнікам па патэнту 31 снежня 1768 года.

У дзень узыходжання на прастол імператрыцы Кацярыны II у 1762 годзе быў вартавым капітанам у Пецяргофе.

Ваявода віцебскі на 1773 года, прэзідэнт Полацкага цывільнага суда па патэнту 12 мая 1778 года, стацкі радца па патэнту 12 мая 1779 года, віцэ-губернатар Магілёўскага намесніцтва па патэнту 24 лістапада 1779 года, губернатар Магілёўскага намесніцтва па патэнту 28 ліпеня 1781, канцлер па патэнту 28 снежня 1784 года.

У 1791 годзе выйшаў у адстаўку. Жыў у Беларусі, дзе яму было падаравана 800 душ.

Валодаў маёнткам Таўпечыцы Магілёўскага павета па лісту 1784 года ад графа Паца, які замяніў 31 студзеня 1785 года на маёнтак Селішча Чавускага павета з Кіркорам, сялом Зайцава Гарадзецкага павета з 75 сялянамі. Рабіў 13 снежні 1792 года вывад шляхецтва з Чавускага павета.

Памёр у 1816 годзе ў Смаленску.

Узнагароды

Атрымаў ордэн Св. Уладзіміра 2-й ступені па патэнту 23.01.1787 Кацярыны II.

Сям’я

Жонка — Надзея Пятроўна Бутурліна (пам. 1785), паходзіла з дробнамаянтковых дваран, якія не мелі ніякага дачынення да старажытнага роду Бутурлінаў. Была багатай нявестай. Дзеці:

• Варвара (1764—пасля 1855), з 1798 года замужам за М. А. Наўрозавым.
• Леў (1766—1836), генерал-маёр; яго дачка Анастасія (1804—1860) была замужам за паэтам Яўгенам Баратынскім;
• Аляксандра (1767—1848), выпускніца Смольнага інстытута, з 1786 года замужам за графам Сяргеем Кузьмічом Вязміцінавым, ваенным міністрам (1802—1808), старшынёй Камітэта міністраў (1812—1816) Расійскай імперыі.

• 
  Партрэт Надзеі Пятроўны Энгельгарт, народжанай Бутурлінай. Георгій Сердзюкоў, 1777
• 
  Партрэт Варвары Мікалаеўны Наўрозавай, народжанай Энгельгарт
• 
  Партрэт Льва Мікалаевіча Энгельгарта
• 
  Партрэт Аляксандры Мікалаеўны Вязміцінавай, народжанай Энгельгарт
• 
  Партрэт Аляксандры Мікалаеўны Вязміцінавай, народжанай Энгельгарт. Гольдэр, 1835

Спасылкі

• Энгельгардт, Николай Богданович // Русский биографический словарь : в 25-ти томах. — СПб.—М., 1896—1918. (руск.)
• Энгельгардт, Николай Богданович // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007. (текст из «… словаря» А. А. Половцова)
• Мікалай Багданавіч Энгельгарт на «Радаводзе». Дрэва продкаў і нашчадкаў
• Портретная галерея семьи Энгельгардт в усадьбе «Мураново» (нявызн.). Музейный гид. — Представлен портрет Н. Энгельгардта. Архівавана з першакрыніцы 7 студзеня 2013. Праверана 27 снежня 2012.