Мікалай Уладзіміравіч Даменікан

З пляцоўкі Вікіпедыя
Jump to navigation Jump to search
Мікалай Уладзіміравіч Даменікан

Нараджэнне 1 сакавіка 1932(1932-03-01)
Смерць 15 лютага 2012(2012-02-15) (79 гадоў)
Адукацыя
Дзейнасць палітык, дзяржаўны дзеяч
Узнагароды

Мікалай Уладзіміравіч Даменікан (1 сакавіка 1932, в. Грускова Нясвіжскага раёна Мінскай вобласці — 15 лютага 2012) — дзяржаўны дзеяч. Герой Сацыялістычнай Працы (1985).

Біяграфія[правіць | правіць зыходнік]

Скончыў Ленінградскі ветэрынарны інстытут (1955), Мінскую ВПШ (1971). З 1955 года працаваў ветурачом, старшынёй калгаса «Чырвоная Зара», намеснікам дырэктара саўгаса «Зеляневічы» Ружанскага раёна. У 1965—1971 гадах 1-ы намеснік начальніка Брэсцкага абласнога ўпраўлення сельскай гаспадаркі. У 1971—1973 гадах старшыня Кобрынскага, у 1991—1995 гадах — Баранавіцкага райвыканкамаў, у 1973—1991 гадах 1-ы сакратар Баранавіцкага райкама КПБ, з 1995 года працаваў галоўным спецыялістам Баранавіцкага райвыканкама.

Дэпутат Вярхоўнага Савета Рэспублікі Беларусь у 1975—1996 гадах.

Узнагароды[правіць | правіць зыходнік]

Званне Героя Сацыялістычнай Працы прысвоена за поспехі ў вытворчасці прадуктаў жывёлага-доўлі ў зімовы перыяд 1984/85 гадоў і датэрміновае выкананне заданняў 11-й пяцігодкі.

Узнагароджаны ордэнамі Леніна (двойчы), Працоўнага Чырвонага Сцяга (двойчы), «Знак Пашаны», залатым, 3 сярэбранымі і 3 бронзавымі медалямі ВДНГ СССР (1965, 1967, 1970), Ганаровымі граматамі і граматамі Прэзідыума Вярхоўнага Савета СССР, Вярхоўнага Савета БССР, Брэсцкіх аблвыканкама і абкама КПБ, абласнога Савета прафсаюзаў і іншымі ўзнагародамі[1].

Зноскі