Мікола Сільвановіч

З пляцоўкі Вікіпедыя
Jump to navigation Jump to search
Мікола Сільвановіч
Асабістыя звесткі
Дата нараджэння 9 красавіка 1917(1917-04-09)
Месца нараджэння
Дата смерці 13 ліпеня 1975(1975-07-13) (58 гадоў)
Месца смерці
Прафесійная дзейнасць
Род дзейнасці пісьменнік, грамадскі дзеяч
Мова твораў беларуская

Мікола Сільвановіч (псеўд. Мікола Вярба; нар. 9 красавіка 1917, в. Верадова, цяпер Маладзечанскі раён — 13 ліпеня 1975, Вініпег) — беларускі пісьменнік, грамадскі дзеяч.

Біяграфія[правіць | правіць зыходнік]

Паштоўка «Вялікія дзеячы беларускага Адраджэння» з маляванымі партрэтамі Кастуся Каліноўскага, Ігната Грынявіцкага, Францішка Багушэвіча, Пятра Крэчэўскага і Васіля Захаркі. Аўтар Мікола Сільвановіч. Германія, 1948.

Нарадзіўся ў в. Верадова Маладзечанскага раёна. З лета 1944 г. — на эміграцыі. Жыў у Празе, затым у Герэнбергу[ru] каля Штутгарта. Адзін з стваральнікаў літаратурнага аб’яднання «Шыпшына», арганізатар майстэрні мастацкага рамяства «Раніца»[1]. Менавіта Мікола Сільвановіч у 1947-м наладзіў святкаванне ўгодкаў Акту 25 сакавіка[2] і выдаў знакамітую паштоўку «вялікія дзеячы адраджэння»[1] з выявамі Каліноўскага, Грынявіцкага, Багушэвіча, Крэчаўскага і Захаркі[2].

З 1949 г. — у Канадзе. Жыў у Вініпегу, дзе з’яўляўся заснавальнікам Беларускага нацыянальнага камітэта і Беларуска-Канадыйскага нацыянальнага аб’яднання ў правінцыі Манітоба[1].

Творчасць[правіць | правіць зыходнік]

Аўтар вершаў, апавяданняў, артыкулаў, якія друкаваліся ў беларускім замежным перыядычным друку і ў дзесяцітомнай энцыклапедыі Канады (1956—1957)[1].

Дагэтуль апублікаваная толькі нязначная частка яго твораў. Ягоную «Паніхіду», прысвечаную памяці «паўшых нязнаных сыноў Беларусі ў абароне яе вольнасці», літаратуразнаўца Лявон Юрэвіч называе адным з найбольш пранікнёных літаратурных рэквіемаў[2].

Зноскі

  1. 1,0 1,1 1,2 1,3 Наталля Гардзіенка. Дзеячы беларускай паваеннай эміграцыі / Запісы Бініму. Мн., 2014.
  2. 2,0 2,1 2,2 100 гадоў з дня нараджэньня Міколы Вярбы

Літаратура[правіць | правіць зыходнік]