Мікола Ткачоў

Мікола Ткачоў
Асабістыя звесткі
Дата нараджэння	8 сакавіка 1918(1918-03-08)
Месца нараджэння	Горанка, Чэрыкаўскі павет, Магілёўская губерня, Заходняя вобласць, РСФСР
Дата смерці	20 красавіка 1979(1979-04-20) (61 год)
Месца смерці	Мінск, БССР, СССР
Грамадзянства	СССР
Альма-матар	Беларускі дзяржаўны эканамічны ўніверсітэт
Месца працы	Полымя Літаратура і мастацтва Мастацкая літаратура
Прафесійная дзейнасць
Род дзейнасці	перакладчык, пісьменнік, журналіст
Мова твораў	беларуская
Грамадская дзейнасць
Партыя	КПСС
Узнагароды

Мікалай Гаўрылавіч Ткачоў (8 сакавіка 1918, в. Горанка, Чэрыкаўскі павет, Магілёўская губерня  — 20 красавіка 1979, Мінск) — беларускі празаік, перакладчык і журналіст.

Біяграфія

Нарадзіўся ў сялянскай сям’і. Скончыў планава-эканамічны факультэт Беларускага дзяржаўнага інстытута народнай гаспадаркі імя В. Куйбышава. У 1940 годзе прызваны ў Чырвоную Армію, удзельнічаў у баях на фронце і партызанскай барацьбе ў тыле ворага. Пасля вайны працаваў адказным сакратаром у рэдакцыі магілёўскай абласной газеце «За Радзіму». Узначальваў літаб’яднанне «Прыдняпроўе» пры абласной газеце, працаваў над рукапісам свайго рамана «Згуртаванасць» аб партызанскім руху на Магілёўшчыне, удзельнікам якога быў. Пасля пераезду ў Мінск працаваў адказным сакратаром часопіса «Полымя», галоўным рэдактарам газеты «Літаратура і мастацтва» (1957—1959). У 1959—1972 гадах займаў пасаду адказнага сакратара праўлення Саюза пісьменнікаў БССР, затым заснаваў і ўзначаліў як дырэктар выдавецтва «Мастацкая літаратура» (1972—1979).

Памяць

Цэнтральная раённая бібліятэка ў Краснаполлі носіць імя Міколы Ткачова.

Творы

• 1938 г. — у часопісе «Полымя рэвалюцыі» надрукавана першае апавяданне «На граніцы»
• 1951 г. — раман «Згуртаванасць», прысвечаны барацьбе беларускага народа супраць захопнікаў
• 1962 г. — пераклаў на беларускую мову зборнік апавяданняў В.Рошкі «Што мае вочы бачылі»
• 1963 г. — зборнік «Пошукі скарбаў». У гэты зборнік увайшлі самыя лепшыя апавяданні пісьменніка
• 1975 г. — пераклаў на беларускую мову аповесць М.Прыляжаевай «Жыццё Леніна»
• 1976 г. — нарыс «Дарога барацьбы», які увайшоў у зборнік «Іх справы золатам гараць»
• 1978 г. — зборнік прозы «Дыханне агню». У апавяданнях і нарысах пісьменнік услаўляе сваіх сучаснікаў, занятых мірнай працай.

Літаратура

• Ткачо́ў Мікола (Мікалай Гаўрылавіч) // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 474. — 10 000 экз. — ISBN 985-11-0035-8. — ISBN 985-11-0251-2 (т. 15).
• Мікола Ткачоў // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 540. — 653 с.: іл. — 22 000 экз. — ISBN 5-340-00709-X.

Спасылкі

• Мікола Ткачоў «Жарынка»