Анатоль Леанідавіч Верабей

Анатоль Леанідавіч Верабей
Анатоль Леанідавіч Верабей
Дата нараджэння	10 жніўня 1950
Месца нараджэння	Вайнілавічы, Курылавіцкі сельсавет, Мастоўскі раён, Гродзенская вобласць, Беларуская ССР, СССР;
Дата смерці	5 красавіка 2026 (75 гадоў)
Грамадзянства	СССР; Беларусь;
Род дзейнасці	літаратурны крытык, літаратуразнавец, літаратар, філолаг
Навуковая сфера	літаратуразнаўства і літаратурная крытыка
Месца працы	Інстытут мовазнаўства НАНБ; Інстытут літаратуразнаўства НАНБ; БДУ;
Навуковая ступень	кандыдат філалагічных навук
Альма-матар	філалагічны факультэт БДУ;
Член у	Саюз беларускіх пісьменнікаў;

Анатоль Леанідавіч Верабей (10 жніўня 1950, в. Вайнілавічы, Мастоўскі раён, Гродзенская вобласць — 5 красавіка 2026^[2]) — беларускі крытык, літаратуразнавец.

Біяграфія

Нарадзіўся ў сям’і настаўнікаў. У 1972 годзе скончыў філалагічны факультэт Беларускага дзяржаўнага ўніверсітэта. У 1972—1974 гадах працаваў навуковым супрацоўнікам Інстытута мовазнаўства імя Якуба Коласа АН БССР. Пасля заканчэння аспірантуры пры Інстытуце літаратуры імя Янкі Купалы АН БССР (1974) — навуковы супрацоўнік гэтага інстытута (1977—1990).

З 1990 года — дацэнт кафедры беларускай літаратуры Беларускага дзяржаўнага ўніверсітэта. Кандыдат філалагічных навук (1979). Сябра Саюза беларускіх пісьменнікаў з 1988 года

Навуковая дзейнасць

У друку выступаў з 1976 года як крытык і літаратуразнавец. Выдаў кнігі «Максім Танк і польская літаратура» (1984), «Жывая повязь часоў; Нарыс творчасці Уладзіміра Караткевіча» (1985), «Беларуска-рускі паэтычны ўзаемапераклад 20-30-х гадоў» (1990), брашуру «Паэзія Максіма Танка» (1983). Удзельнічаў у выданні творчай спадчыны Піліпа Пестрака (Збор твораў у 5 тамах, т. 3, 1985), Уладзіміра Хадыкі («На ўзвеях дзён», 1986), Уладзіміра Караткевіча (Збор твораў у 8 тамах, 1987—1991; кіраўнік выдання збору твораў у 25-тамах, 2012—). Даследчык творчасці Уладзіміра Караткевіча^[3].

Крыніцы

1 2 Národní autority České republiky Праверана 8 студзеня 2023.
<a href='https://wikidata.org/wiki/Track:Q13550863'></a>
↑ Памёр Анатоль Верабей — даследчык творчасці Караткевіча (бел.). Наша Ніва (5 красавіка 2026). Праверана 6 красавіка 2026.
↑ Памёр Анатоль Верабей (нявызн.). Будзьма беларусамі!. Праверана 6 красавіка 2026.

Літаратура

Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).
Савік Л. Верабей Анатоль // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1993. — Т. 2. Верабей — Іваноў. — С. 5. — 541 с.; іл. — ISBN 5-85700-075-0.

[_7b983684cf71fb44-1] 1 2 Národní autority České republiky Праверана 8 студзеня 2023.
<a href='https://wikidata.org/wiki/Track:Q13550863'></a>

[2] Памёр Анатоль Верабей — даследчык творчасці Караткевіча (бел.). Наша Ніва (5 красавіка 2026). Праверана 6 красавіка 2026.

[3] Памёр Анатоль Верабей (нявызн.). Будзьма беларусамі!. Праверана 6 красавіка 2026.

[1]

[2]

[3]