Міхась Бахар

Міхась Бахар
Міхась Бахар
Род дзейнасці	палітык
Дата нараджэння	17 кастрычніка 1929
Месца нараджэння	Студзёнкі, Вілейскі павет, Віленскае ваяводства, Польская Рэспубліка;
Дата смерці	11 лютага 2007 (77 гадоў)
Месца смерці	Саўт-Рывер, акруга Мідлсекс, Нью-Джэрсі, ЗША;
Месца пахавання	Беларускія могілкі ў Саўт-Рыверы;
Месца працы	Беларуская моладзь (1959);
Партыя	Рэспубліканская партыя ЗША;
Член у	Беларускі кангрэсавы камітэт Амерыкі; Беларуска-амерыканскі грамадскі цэнтр;

Міхась Бахар (17 кастрычніка 1929, в. Сцюдзёнка, Вілейскі раён, Мінская вобласць — 11 лютага 2007, Саўт-Рывер, Нью-Джэрсі, ЗША) — беларускі грамадска-палітычны дзеяч у ЗША.

Біяграфія

Летам 1944 г. разам з бацькамі выехаў на эміграцыю. Пасля капітуляцыі Германіі апынуліся ў французскай акупацыйнай зоне Германіі. Вучыўся ў расійскай гімназіі ў Штутгарце. У ЗША з 1951 года. Напачатку паводле кантракту Бахары працавалі ў штаце Місісіпі на фермерскай гаспадарцы. У Місісіпі Міхась скончыў універсітэт з дыпломам інжынера-электрыка (1959 г.). Пазней сям'я Бахараў пераехала ў Ёнкерс (штат Нью-Ёрк), а Міхась пасля шлюбу з Любоўю Урыўскай у 1961 годзе пераехаў у Саўт-Рывер. Браў актыўны ўдзел у грамадскім жыцці, быў членам рэдкалегіі часопіса «Беларуская моладзь», належаў да Беларускага кангрэсавага камітэту Амерыкі (БККА) (у 1980-я г. віцэ-старшыня), парафіі Св. Еўфрасінні Полацкай, узначальваў Беларуска-амерыканскі культурны цэнтр. Дзякуючы яго старанню саўт-рыверская грамада атрымала ў канцы 1960-х г. за мінімальную плату зямельны ўчастак пад пабудову новай царквы і Грамадскага цэнтру. Быў скарбнікам акруговай арганізацыі Рэспубліканскай партыі, належаў да Амерыканскай асацыяцыі інжынераў-электрыкаў. Пахаваны на беларускіх могілках у Саўт-Рыверы.

Працы

Бахар, М. Мастацкая выстаўка / М.Бахар // Беларуская думка. — 1994. — № 39. — С. 30 — 31.

Зноскі

Літаратура

Гардзіенка, А. Беларускі кангрэсавы камітэт Амэрыкі (БККА) / Алег Гардзіенка. — Смаленск: [б.в.], 2009. — 428 с., [12] с. іл. — (БІНІМ; Бібліятэка Бацькаўшчыны, Кніга 16). — С. 395—396.
М. С. [Сенька, Міхась]. С.п. Міхась Бахар (17.10.1929 — 11.2.2007) / М. С. // Беларуская думка. — 2007. — № 58. — Чэрвень. — С. 42.