Беларускі кангрэсавы камітэт Амерыкі

Беларускі кангрэсавы камітэт Амерыкі (БККА) — грамадская арганізацыя беларусаў у ЗША. Каардынуе работу беларускіх згуртаванняў, якія прытрымліваюцца палітычнай платформы Беларускай цэнтральнай рады.

Гісторыя

Беларускі кангрэсавы камітэт Амерыкі створаны 11 лютага 1951 года ў г. Саўт-Рывер (штат Нью-Джэрсі) як выканаўчы орган Кангрэса беларусаў Амерыкі. Сярод задачаў БККА былі: каардынацыя працы беларускіх арганізацый у ЗША, выступленні ад іх імя перад амерыканскімі палітычнымі і грамадскімі, а таксама міжнароднымі арганізацыямі. Першым старшынёй БККА стаў Мікалай Шчорс.

Старшыні

• Мікалай Шчорс (11.02.1951—30.06.1957)
• Іван Касяк (30.06.1957—13.03.1989)
• Расціслаў Завістовіч (02.06.1990—20.12.2000)
• Роберт Цупрык (2001—2021)

Камітэт збірае і распаўсюджвае інфармацыю на надзённыя беларускія тэмы. Выдае і распаўсюджвае часопіс «Беларуская думка».

Літаратура

• Гардзіенка А. Беларускі кангрэсавы камітэт Амэрыкі (БККА) / Алег Гардзіенка. - Смаленск: [б.в.], 2009. - 428 с., [12] с. іл. - (БІНІМ; Бібліятэка Бацькаўшчыны, Кніга 16).
• Ляднёва А. Беларускі кангрэсавы камітэт Амерыкі // БелЭн у 18 т. Т. 2. - Мн., 1996.

Спасылкі

• Беларускі кангрэсавы камітэт Амэрыкі на сайце Kamunikat.org