Міхаіл Аляксандравіч Мінковіч

Міхаіл Аляксандравіч Мінковіч
Нараджэнне	6 верасня 1914(1914-09-06) Кіраёва, Нова-Тухінская воласць[d], Аршанскі павет, Магілёўская губерня, Расійская імперыя
Смерць	17 жніўня 1971(1971-08-17) (56 гадоў)
Адукацыя	Беларускі дзяржаўны педагагічны ўніверсітэт імя Максіма Танка (1935)
Навуковая ступень	кандыдат навук
Дзейнасць	палітык
Месца працы	МінСВУ
Бітвы	Вялікая Айчынная вайна
Узнагароды

Міхаіл Аляксандравіч Мінковіч (24 жніўня (6 верасня) 1914, в. Кіраёва, Горацкі раён, Магілёўская губерня (зараз Дубровенскі раён) — 17 жніўня 1971) — беларускі дзяржаўны дзеяч, міністр культуры БССР.

Біяграфія

У 1935 годзе скончыў Мінскі педагагічны інстытут. З гэтага ж года працаваў выкладчыкам Мінскага ваеннага вучылішча. У 1936—1937 гадах служыў у Чырвонай Арміі.

З 1939 года займаў пасаду намесніка загадчыка аддзела студэнцкай моладзі, сакратар ЦК ЛКСМБ. Удзельнік Вялікай Айчыннай вайны.

З 1944 года — старшыня Камітэта па радыёвяшчанню пры СНК БССР, з 1946 года — старшыня Камітэта культасветустаноў СМ БССР, у 1953—1956 гадах — першы сакратар Бягомльскага РК КПБ. З кастрычніка 1956 года — намеснік, першы намеснік міністра, з красавіка 1964 года — міністр культуры БССР.

Узнагароджаны ордэнам Кастрычніцкай Рэвалюцыі і іншымі ордэнамі, медалямі.

Літаратура

• Мінковіч Міхаіл Аляксандравіч // Беларуская Савецкая Энцыклапедыя. У 12 т. Т. 7. Манцякі — Паддубічы / Рэдкал.: П. У. Броўка (гал. рэд.) і інш. — Мн.: БелСЭ, 1973. — С. 214. — 608 с.: іл., карты.
• Мінковіч Міхаіл Аляксандравіч // Памяць: Дубровенскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: А. Я. Гаўруцікаў [і інш.]; уклад.: А. Я. Гаўруцікаў, Р. П. Кахноўская; мастак Э. Э. Жакевіч. — Мінск : Паліграфафармленне, 1997. — Кн. 1. — С. 514—515.