Настасся Сяргееўна Мірончык-Іванова

Настасся Мірончык-Іванова
Настасся Мірончык-Іванова
Агульная інфармацыя
Пол	жаночы
Поўнае імя	Настасся Сяргееўна Мірончык-Іванова
Спецыялізацыя	скачок у даўжыню[d]
Клуб	Дынама
Нарадзілася	13 красавіка 1989 (35 гадоў); Слуцк, Слуцкі раён, Мінская вобласць, БССР, СССР;
Грамадзянства	Беларусь
Альма-матар	Школа № 13[d]; Слуцкая спецыялізаваная дзіцяча-юнацкая школа алімпійскага рэзерву; РДВАР; БДУФК; Акадэмія кіравання пры Прэзідэнце Рэспублікі Беларусь;
Рост	171 см
Вага	53 кг
IAAF	14269729
	Чэмпіянаты Беларусі
Дзяржаўныя і ведамасныя ўзнагароды
	Медыяфайлы на Вікісховішчы

Настасся Мірончык-Іванова (13 красавіка 1989, Слуцк) — беларуская лёгкаатлетка, дэпутатка Палаты прадстаўнікоў Нацыянальнага сходу Рэспублікі Беларусь з 2024 года. Спецыялізуецца ў трайных скачках, скачках у даўжыню. Майстар спорту Беларусі міжнароднага класа.

Біяграфія

Нарадзілася 13 красавіка 1989 года ў г. Слуцку Мінскай вобласці^[2].

Скончыла Рэспубліканскае дзяржаўнае вучылішча алімпійскага рэзерву па спецыяльнасці «Трэнерская праца па лёгкай атлетыцы»; Беларускі дзяржаўны ўніверсітэт фізічнай культуры па спецыяльнасці «Трэнер-выкладчык па лёгкай атлетыцы»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і права»^[2].

Працавала спартсменам-інструктарам нацыянальнай каманды Рэспублікі Беларусь па лёгкай атлетыцы Рэспубліканскага цэнтра алімпійскай падрыхтоўкі па лёгкай атлетыцы; інструктарам па спорце спартыўнай каманды Міністэрства ўнутраных спраў Рэспублікі Беларусь^[2].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Дзяржынскай акругі № 98. Член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[2].

Спартыўныя дасягненні

На Чэмпіянаце Свету 2009 — 11-я, Чэмпіянаце Свету 2011 — 4-я, Чэмпіянаце Свету 2012 — 5-я, Чэмпіянаце Еўропы 2011 — 6-я.

Удзельніца Алімпійскіх гульняў 2012 года ў катэгорыі скачкі ў даўжыню^[3].

На Чэмпіянаце свету 2016 года заняла 9 месца ў скачках у даўжыню з вынікам 6,56 м^[4].

Чэмпіёнка Беларусі 2016 года ў скачках у даўжыню з вынікам 6,76 м^[4].

У 2019 годзе Настасся Мірончык-Іванова стала сярэбраным прызёрам чэмпіянату Еўропы ў закрытых памяшканнях у скачках у даўжыню. У фінальным этапе спаборніцтваў у Глазга спартсменка ў першай жа спробе ўстанавіла асабісты рэкорд — 6 м 93 см^[5].

Майстар спорту міжнароднага класа па лёгкай атлетыцы^[2].

Узнагароды

Узнагароджана Ганаровай граматай Мінскага абласнога выканаўчага камітэта, граматамі Міністэрства спорту і турызму Рэспублікі Беларусь, Міністэрства ўнутраных спраў Рэспублікі Беларусь^[2].

Крыніцы

Спасылкі

На Вікісховішчы ёсць медыяфайлы па тэме Настасся Сяргееўна Мірончык-Іванова
Профіль на сайце Рэспубліканскага цэнтра алімпійскай падрыхтоўкі па лёгкай атлетыцы
Настасся Мірончык-Іванова — алімпійская статыстыка на сайце Sports-Reference.com (англ.)
Біяграфія на сайце Палаты прадстаўнікоў Нацыянальнага сходу Рэспублікі Беларусь

[_f8a74c98def07d37-1] ttp://noc.by/ii-evropeyskie-igry/team/ — Национальный олимпийский комитет Республики Беларусь.
<a href="https://wikidata.org/wiki/Track:Q2570268"></a><a href="https://wikidata.org/wiki/Track:Q64869419"></a>

[:0-2] а ^б ^в ^г ^д ^е Біяграфія на сайце Палаты прадстаўнікоў Нацыянальнага сходу Рэспублікі Беларусь

[3] Беларускія алімпійцы ў Лондане Прессбол

[РБ2017-4] а ^б Списочный состав национальной и сборной команды Республики Беларусь по лёгкой атлетике на 2017 год Архівавана 15 лютага 2017.

[5] zviazda.by

[1]

[2]

[3]

[4]

[5]