Наталля Сцяпанаўна Васілевіч

Наталля Сцяпанаўна Васілевіч
Дата нараджэння	15 сакавіка 1982(1982-03-15) (42 гады)
Месца нараджэння	Мінск, БССР, СССР
Грамадзянства	Беларусь
Месца працы	БІП — Універсітэт права і сацыяльна-інфармацыйных тэхналогій Палітычная сфера
Альма-матар	юрыдычны факультэт БДУ (2008) Беларускі гуманітарны ліцэй імя Якуба Коласа (1999) Еўрапейскі гуманітарны ўніверсітэт (2007)
Член у	Хрысціянская візія

Наталля Сцяпанаўна Васілевіч (15 сакавіка 1982, Мінск) — беларуская праваабаронца, палітолаг і тэолаг.

Біяграфія

Закончыла Беларускі гуманітарны ліцэй (1999). Навучалася на аддзяленні паліталогіі юрыдычнага факультэта БДУ (1999—2004), у магістратуры аддзялення паліталогіі юрыдычнага факультэта БДУ (2004—2005) і аспірантуры кафедры паліталогіі юрыдычнага факультэта БДУ (2005—2008).

Выкладала на кафедры тэорыі і гісторыі права Беларускага інстытута правазнаўства.

У 2014 годзе атрымала ступень магістра ў экуменічных даследаваннях у Бонскім універсітэце. З 2015 года — дактарантка філасофскага факультэта Бонскага ўніверсітэта.

Дзейнасць

Каардынатарка моладзевай філіі Брацтва Трох Віленскіх пакутнікаў Антонія, Яна і Яўстафія Віленскіх, сябра Каардынацыйнай рады Аб’яднання моладзі Беларускай Праваслаўнай Царквы (2002—2005).

Сузаснавальніца і сябра рэдакцыйнай рады часопіса «Палітычная сфера».

Сузаснавацельніца праваслаўнага партала «Царква» (2004—2015).

Сябра адміністратыўнай рады Сусветнага брацтва праваслаўнай моладзі «Сіндэсмас», рэгіянальная прадстаўніца Цэнтральнай Еўропы (2007—2009).

У 2010—2019 гадах супрацоўнічала ў структурах Канферэнцыі Еўрапейскіх Цэркваў.

У 2019 годзе заснавала і рэдагуе часопіс міждысцыплінарных і міжканфесійных даследаванняў хрысціянства «Збожжа».

З 2020 года — мадэратарка экуменічнай групы «Хрысціянская візія» і рэдактарка ейных вэб-сайтаў «Царква і палітычны крызіс у Беларусі» і «Хрысціяне супраць вайны».

Публікацыі і даследаванні

Аўтарка блога «Пані з кадзілам» (2002—2019).

Аўтарка шматлікіх артыкулаў і выступаў у сферы палітыкі, правоў чалавека, свабоды рэлігіі і веравызнання, цэркваў і экуменічнага дыялогу ў Беларусі і ў замежжы, і ролі хрысціян і рэлігійных інстытутаў у пратэстах 2020-га і ў наступныя гады.

Спасылкі

Публікацыі на Academia.edu