Наталля Уладзіміраўна Бачкарова

Наталля Уладзіміраўна Бачкарова
руск.: Наталья Владимировна Бочкарёва
Наталля Бачкарова ў 2016 годзе
Дата нараджэння	25 ліпеня 1980(1980-07-25) (43 гады)
Месца нараджэння	Горкі, Горкаўская вобласць, РСФСР, СССР
Грамадзянства	Расія
Адукацыя	Ніжагародскае тэатральнае вучылішча[d]
Прафесія	акцёрка, вядучая, спявачка, тэлевядучая
IMDb	ID 4284119
Медыяфайлы на Вікісховішчы

Наталля Уладзіміраўна Бачкарова (руск.: Наталья Владимировна Бочкарёва; нар. 25 ліпеня 1980, Горкі, РСФСР) — расійская актрыса тэатра і кіно, тэлевядучая, спявачка, рэжысёрка, мастачка.

Біяграфія

Маці Валерыя (1947—2001), працавала на заводзе ГАЗ, памерла ад сардэчнага прыступу. Бацька — Уладзімір (1954—2006). Малодшая сястра — Надзея (нар. 1986).

Вучылася ў школе № 129 горада Горкага. У 2000 годзе скончыла Ніжагародскае тэатральнае вучылішча (майстэрня Р. Левітэ), у 2002 годзе — Школу-студыю МХАТ (майстэрня А. Табакова). Навучаецца ў РДМПУ імя С. Р. Строганава.

Пасля сканчэння школы-студыі МХАТ, адразу прынята ў трупу МХАТ.

У кіно дэбютавала ў 1999 годзе, сыграла невялікую ролю ў фільме «Кітайскі сервіз». Стала вядомай роляй Дашы Букінай з тэлесерыяла «Шчаслівыя разам», у якім здымалася ў 2006—2013 гадах. Удзельнічала ў здымках кіначасопіса «Ералаш».

У 2010 годзе — вядучая на тэлеканале СТБ (Украіна).

Заснавальніца і дырэктарка Школы-студыі Наталлі Бачкаровай, накіраванай на развіццё творчых здольнасцяў ва ўзросце ад 4 да 17 гадоў.

Член Еўразійскага саюза мастакоў.

Скандал

У ноч з 28 на 29 верасня 2019 года актрыса затрымана за захоўванне какаіну. Падчас следства цалкам прызнала віну і раскаялася.

20 студзеня 2020 года Праабражэнскі суд Масквы прызначыў штраф 30 тысяч рублёў і спыніў крымінальную справу. Следчы паведаміў, што Бачкарова загладзіла віну «пералічэннем сродкаў у дабрачынны фонд Яўгена Васкрасенскага».

Асабістае жыццё

З 28 верасня 2007 года па 2014 год была ў шлюбе з адвакатам Мікалаем Барысавым (старэйшым за яе на 13 гадоў); яны пазнаёміліся ў цягніку Горкі-Масква. Мікалай быў раней жанаты і меў дачку. У іх ёсць двое дзяцей — сын Іван (нар. 4.1.2007) і дачка Марыя (нар. 22.2.2008).

Асабістае жыццё актрыса не афішуе. Аднак, СМІ адзначалі, што Бачкарова ў адносінах са сваім былым менеджарам.