Нацыянальны парк Вапуск

Нацыянальны парк Вапуск

Катэгорыя МСАП — II (Нацыянальны парк)
Размяшчэнне	Канада, Манітоба
Плошча	11 475 км²
Дата заснавання	1996
Наведвальнасць	1 869 (2007)
Кіруючая арганізацыя	Паркі Канады
Нацыянальны парк Вапуск

Нацыянальны парк Вапуск (англ.: Wapusk National Park, фр.: Parc national Wapusk) — нацыянальны парк Канады, створаны ў 1996 годзе на ўзбярэжжы Гудзонава заліва ў правінцыі Манітоба. Назва парку паходзіць з мовы кры, на якой слова вапуск азначае белы мядзведзь. Размешчаны ў 45 км на поўдзень ад мястэчка Чэрчыл у Манітобе на ўзбярэжжы Гудзонава заліва ля ўпадзення ў яго ракі Нельсан; займае плошчу 11475 км². Ахоплівае большую частку Гудзонскай нізіны.

Клімат

Гудзонаў заліў, які з'яўляецца часткай Паўночнага Ледавітага акіяна, шмат у чым вызначае клімат гэтага рэгіёна. Мікраклімат, які нагадвае клімат большай часткі Арктыкі, ператварыў большую частку гэтай тэрыторыі ў арктычную пустыню з менш чым 300 мм ападкаў у год. Вапуск з'яўляецца адным з самых халодных і неспрыяльных раёнаў Канады. Нават улетку тэмпература можа рэзка падаць, што стварае экстрэмальныя ўмовы для жыцця ў гэтых краях.

Літаратура

• Ryan K. Brook, Structure and Dynamics of the Vegetation in Wapusk National Park and the Cape Churchill Wildlife Management Area of Manitoba: Community and Landscape Scales, University of Manitoba, 2001 (thèse)
• Dennis Fast et Rebecca L. Grambo, Wapusk : white bear of the North, Heartland Associates, Winnipeg, 2003, 112 p.
• Barb McDermott, Jacinthe Lavoie et Gail McKeown, Le parc national Wapusk, Les Éditions de la Chenelière, Montréal, 2001

Спасылкі

• На Вікісховішчы ёсць медыяфайлы па тэме Нацыянальны парк Вапуск
• Нацыянальны парк Вапуск Архівавана 1 красавіка 2009. (англ.)