Наіск

З пляцоўкі Вікіпедыя
Jump to navigation Jump to search
Наіск заможнага афіняніна ў вобразе воіна з Керамік. Каля 320 г. да н. э. Нацыянальны археалагічны музей

Наіск (лац.: Naïskos, стар.-грэч.: ναϊσκος) — невялікі храм у класічным стылі з калонамі або пілонамі і трохкутным франтонам. Наіск часта сустракаецца ў якасці мастацкага элемента храмаў, напрыклад, у Эгіры або Дзідзіме, у архітэктуры малых формаў на старажытнагрэчаскіх могілках у якасці надмагільных рэльефаў або ніш, як, напрыклад, на могілках Керамік у Афінах і на наіскавых вазах у чырвонафігурным вазапісе. Унутры наіска звычайна адлюстроўваўся памерлы. У Луўры прадстаўлены скульптурныя выявы наіскаў з тэракоты, створаныя ў мэтах выканання зароку, і тых, якія служылі ў якасці хатніх свяцілішчаў. Малюнак наіска заўсёды мае рэлігійную афарбоўку ў пахавальных рытуалах старажытных грэкаў.

У старажытных рымлян існавала аналагічнае паняцце — эдыкула, якое, аднак, не супадае цалкам з наіскам. У адрозненне ад наіска, эдыкула ў старажытнарымскіх трыўмфальных арках выконвала прадстаўніцкую функцыю.