Нэлі Васілеўна Караткевіч

Нэлі Васілеўна Караткевіч
Дата нараджэння	18 студзеня 1937(1937-01-18) (87 гадоў)
Месца нараджэння	Пенза, Пензенскі раён[d], Куйбышаўская вобласць, РСФСР, СССР
Адукацыя	Ленінградскі дзяржаўны інстытут культуры (1981)
Прафесія	тэатральная актрыса
Тэатр	Гомельскі абласны драматычны тэатр Магілёўскі абласны драматычны тэатр Гродзенскі абласны драматычны тэатр Беларускі дзяржаўны маладзёжны тэатр
Узнагароды

Нэлі Васілеўна Караткевіч (нар. 18 студзеня 1937, Пенза, РСФСР) — беларуская актрыса. Заслужаная артыстка БССР (1977).

Біяграфія

Скончыла тэатральную студыю Бранскага абласнога драматычнага тэатра ў 1961 годзе, Ленінградскі інстытут культуры ў 1981 годзе. Працавала ў тэатрах Гомеля ў 1966—1967 гадах, Магілёва ў 1970—1975 гадах, Гродна ў 1975—1981 гадах, Бранска, Ноўгарада. У 1985—1986 гадах у Дзяржаўным маладзёжным тэатры Беларусі.

Выканаўца лірыка-драматычных і характарных роляў. Створаныя ёй вобразы вызначаюцца ўнутранай псіхалагічнасцю і знешняй выразнасцю. Сярод роляў: у Магілёўскім абласным драматычным тэатры — Паўлінка («Паўлінка» Янкі Купалы), Зубрыч («Трывога» Алеся Петрашкевіча), Іванская ("Аперацыя «Мнагажэнец» Анатоля Дзялендзіка), Нора («Лялечны дом» Генрыка Ібсена) і інш.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).