Озран

З пляцоўкі Вікіпедыя
Jump to navigation Jump to search
Озран
Ozren prenja 03.jpg
Рака Прэнья на гары Озран
Вышэйшы пункт
Абсалютная вышыня918 м
Размяшчэнне
44°35′25,44″ пн. ш. 18°16′57″ у. д.HGЯO
Краіна
Озран (Боснія і Герцагавіна)
Озран
Озран
Commons-logo.svg Аўдыё, фота і відэа на Вікісховішчы

Озран (сербск.: Озрен / Ozren) — невысокі горны масіў у паўночнай частцы Босніі і Герцагавіны, які працягнуўся на адлегласць каля 40 км паміж гарадамі Добай і Завідавічы, паміж далінай ракі Босна на захадзе і далінай ракі Спрэча на поўначы. На поўдні цягнецца ўздоўж ракі Крывая, тады як усходнія схілы спускаюцца да возера Модрачка. Такім чынам, часткова гара знаходзіцца ў Федэрацыі Босніі і Герцагавіны, часткова ў Рэспубліцы Сербскай. У адміністрацыйным плане адносіцца да баснійскай абшчыны Маглай і сербскай абшчыны Петрава.

Этымалогія[правіць | правіць зыходнік]

Паводле легенды назва гары была дадзена баснійскай каралевай Катарынай Косава Катраманіч, якая, устаўшы на вяршыню, была зачаравана хараством краявіду і прамовіла «Мили Боже, лијепа обазарја» (прыкладны пераклад: «Божа мой, які выдатны выгляд»). Слова «обазарја», мелае насамрэч некалькі розных значэнняў, пасля трансфармавалася ў Озран[1].

Характарыстыкі[правіць | правіць зыходнік]

Тры найвышэйшыя пункты горнага масіву знаходзяцца на тэрыторыі муніцыпалітэта Петрава, гэта пік Вялікая Остравіца (918 м), пік Краліца (883 м) і пік Малая Остравіца (853 м). Апроч размаітай флоры Озран багаты прыроднымі рэсурсамі, тут ёсць крыніцы чыстай пітной вады, што валодаюць гаючымі ўласцівасцямі геатэрмальныя крыніцы, рудныя і мінеральныя рэсурсы[2].

Гісторыя[правіць | правіць зыходнік]

З-за геаграфічных асаблівасцей гара Озран часта ставала пунктам абароны падчас ваенных канфліктаў. Так, у ходзе Другой сусветнай вайны ў 1942 годзе нямецка-харвацкія войскі праводзілі тут карную аперацыю супраць уздужалых югаслаўскіх партызан — большай частцы партызан у выніку атрымалася схавацца ў тутэйшых лясах. У час Баснійскай вайны Озран стаў апорай абароны сербаў супраць мусульманаў. Цяпер на піку Краліца ўсталяваны помнік загінулым ваярам Узброеных сіл Рэспублікі Сербскай, якія ў верасні 1995 года сталі ахвярамі бамбардзіровак НАТО[3][4][5].

Озранскі манастыр[правіць | правіць зыходнік]

На гары знаходзіцца манастыр Сербскай праваслаўнай царквы, прысвечаны Мікалаю Цудатворцу, таксама вядомы як Озранскі манастыр.

Озранскі марафон[правіць | правіць зыходнік]

Муніцыпалітэт Петрава пры падтрымцы Радыё і тэлебачання Рэспублікі Сербскай штогод арганізуе традыцыйны марафонскі забег па хрыбце Озран[6].

Зноскі

  1. Dobro došli. http://www.ozren.org/. Ozren Outdoor.
  2. Оперативни план заштите и спашавања од пожара у Општини Петрово (ср). Општина Петрово (март/април 2011.). Праверана 8 верасня 2011.
  3. Битва за Озрен. Српска.ру (3 лютага 2006). Праверана 28 сакавіка 2016.
  4. Сјећање на жртве NATO бомбардовања (ср). Глас Српске (7 верасня 2011). Праверана 8 верасня 2011.
  5. Парастос на Краљици (ср). Радио-телевизија Републике Српске (7 верасня 2011). Праверана 8 верасня 2011.
  6. Озренски планинарски маратон, 2012. (ср). Радио-телевизија Републике Српске (9. 6. 2012.). Праверана 10. 6. 2012..

Спасылкі[правіць | правіць зыходнік]