Федэрацыя Босніі і Герцагавіны

З Вікіпедыі, свабоднай энцыклапедыі
Федэрацыя Босніі і Герцагавіны
басн. і харв. Federacija Bosne i Hercegovine
Герб Федэрацыі Босніі і Герцагавіны
Сцяг Федэрацыі Босніі і Герцагавіны Герб Федэрацыі Босніі і Герцагавіны


Афіцыйная мова баснійская, харвацкая
Сталіца Сараева
Найбуйнейшыя гарады Сараева, Зеніца, Тузла
Форма кіравання федэратыўная парламенцкая рэспубліка
Прэзідэнт Марынка Чавара
Плошча
• Усяго

26110 км²
Насельніцтва
• Ацэнка (2013)
Шчыльнасць

2,2 млн. чалавек чал.
91 чал./км²
Валюта канвертоўная марка
Часавыя паясы CET (UTC+1, улетку UTC+2)

Федэрацыя Босніі і Герцагавіны — дзяржаўнае ўтварэнне, якое разам з Рэспублікай Сербскай складае дзяржаву Боснія і Герцагавіна. Утворана на тэрыторыі былой Сацыялістычнай Федэратыўнай Рэспублікі Югаславія ў выніку Вашынгтонскага пагаднення 1994 года. У склад федэрацыі ўвайшлі тэрыторыі, якія раней кантраляваліся афіцыйнымі ўладамі Рэспублікі Боснія і Герцагавіна, а таксама ўладамі самаабвешчанай Рэспублікі Герцаг-Босна. Сталіца — Сараева. Плошча федэрацыі складае 26 076 км² (51 % агульнай тэрыторыі Босніі і Герцагавіны). На вызначанай тэрыторыі пражываюць 2,4 млн чалавек. Грашовай адзінкай з’яўляецца канвертоўная марка.

У склад федэрацыі ўваходзяць дзесяць кантонаў, у кожным з якіх пераважае баснійская ці харвацкая этнічная большасць.

Мае межы на захадзе і поўначы з Харватыяй, на поўначы і ўсходзе — з Рэспублікай Сербскай. Таксама мае невялікі выхад да Адрыятычнага мора — каля 24,5 км берагавой лініі.