Ом (рака)

Ом
Характарыстыка
Даўжыня	1 091 км
Басейн	52 600 км²
Расход вады	64 м³/с
Вадацёк
Выток
• Каардынаты	56°12′05″ пн. ш. 81°23′16″ у. д.
Вусце	Іртыш
• Каардынаты	54°58′54″ пн. ш. 73°22′10″ у. д.
Размяшчэнне
Водная сістэма	Іртыш → Об → Карскае мора
Краіна	Расія
Код у ДВР	14010200112115300004626
— выток, — вусце
Медыяфайлы на Вікісховішчы

Ом — рака ў Расіі, працякае ў Заходняй Сібіры па тэрыторыі Омскай і Новасібірскай абласцей, правы прыток Іртыша. Па тэрыторыі Омскай вобласці працякае па Ніжнеомскім, Калачынскім, Кармілаўскім і Омскім раёнах.

Выток знаходзіцца на Васюганскай раўніне, бярэ свой пачатак з возера Омскага, якое знаходзіцца сярод Васюганскіх балот. Далей рака цячэ па Барабінскай нізіне. Вусце ракі знаходзіцца ў Омску, на 1831 кіламетры ад вусця Іртыша па яго правым беразе.

Даўжыня ракі — 1091 км, плошча яе вадазборнага басейна — 52600 км², сярэднегадавы расход вады — 64 м³/сек, максімальны расход вады — 814 м³/сек.

Даліна ракі трапецападобная, месцамі асіметрычная, шырыня яе вагаецца ў вялікіх межах ад 200 метраў да 18 км.

Пойма пераважна двухбаковая, месцамі забалочаная, перасечаная асобнымі грывамі, у ніжняй частцы аднабаковая. Найменшая яе шырыня — 250 м, найбольшая — 16,5 км.