Ордэн Мадарскага вершніка

Ордэн Мадарскага вершніка
Ордэн Мадарскага вершніка
	Орден «Мадарски конник»
Арыгінальная назва	Орден «Мадарски конник»
Краіна	Балгарыя
Тып	ордэн[d]
Каму ўручаецца	дыпламатычным прадстаўнікам, замежным і балгарскім грамадскім дзеячам і ваенным
Кім уручаецца	прэзідэнтам Рэспублікі Балгарыя
Падставы ўзнагароджання	Усталяванне і развіццё двухбаковых зносін з Рэспублікай Балгарыя
Дата заснавання	4 жніўня 1966 года
Статус	уручаецца
Чарговасць узнагарод
Старэйшая	Ордэн Святых Кірыла і Мяфодзія; Ордэн Стара-планіны
Адпавядае	Ордэн «За грамадзянскія заслугі»; Ордэн «За ваенныя заслугі»
	Медыяфайлы на Вікісховішчы

Ордэн Мадарскага вершніка (балг.: Орден «Мадарски конник») — узнагарода колішняй НРБ і сённяшняй Балгарыі, быў упершыню ўведзены 4 жніўня 1966 года. Пасля падзення камуністычнага рэжыму ў Балгарыі, ордэн быў захаваны, як палітычна нейтральны. Ім узнагароджваюцца балгарскія і замежныя грамадзяне за асабліва вялікія заслугі ва ўстанаўленні, умацаванні і развіцці двухбаковых стасункаў з Рэспублікай Балгарыя.

Гісторыя

Народная Рэспубліка Балгарыя

Ордэн быў уведзены наказам Прэзідыума V Нацыянальнага сходу 4 жніўня 1966 г.

Усе ўзнагароды з сістэмы ўзнагароджанняў НРБ, за выключэннем ордэнаў Стара-планіны, Мадарскага вершніка і Ордэна руж, былі адменены папраўкай у дэкрэце № 1094 ад 21 сакавіка 1991 г. 7-м Вялікім нацыянальным сходам.^[1]

Рэспубліка Балгарыя

Ордэн Мадарскага вершніка — трэці па велічыні ва ўзнагароднай сістэме Рэспублікі Балгарыя. Ён быў зацверджаны Законам аб ордэнах і медалях Рэспублікі Балгарыя 13 чэрвеня 2003 г. (апублікаваны, ГД № 54).

Узнагароджанне ордэнам Мадарскага вершніка — прэрагатыва Прэзідэнта Рэспублікі Балгарыя.^[2]

Палажэнне аб узнагародзе

Ордэнам Мадарскага вершніка ўзнагароджваюцца замежныя і балгарскія грамадзяне за асабліва вялікія заслугі ва ўсталяванні і развіцці двухбаковых зносін з Рэспублікай Балгарыя:

дыпламатычныя прадстаўнікі, акрэдытаваныя ў Рэспубліцы Балгарыя, і балгарскія дыпламатычныя прадстаўнікі, акрэдытаваныя ў іншых краінах;

замежныя і балгарскія грамадскія дзеячы і ваенныя асобы.

Стужка ордэна Мадарскага вершніка мае колеры нацыянальнага балгарскага сцяга. Ордэн мае дзве ступені — першую і другую, і дзве катэгорыі — без мячоў (уручаецца грамадзянскім асобам) і з мячамі (уручаецца ваенным асобам):

першая ступень: мініяцюрны малюнак Мадарскага вершніка зверху разеткі з залатымі промнямі; носіцца на шыі;

другая ступень: мініяцюрны малюнак Мадарскага вершніка зверху разеткі з срэбнымі промнямі; носіцца на шыі.