Павел Аляксеевіч Громаў

Павел Аляксеевіч Громаў
Дата нараджэння	20 кастрычніка 1924(1924-10-20)
Месца нараджэння	Цімошкіна[d], Фларышчанскае сельскае паселішча[d], Кальчугінскі раён[d], Уладзімірская вобласць
Дата смерці	не раней за 1994 і не пазней за 2009
Месца смерці	Цімошкіна[d], Фларышчанскае сельскае паселішча[d], Кальчугінскі раён[d], Уладзімірская вобласць
Месца пахавання	Цімошкіна[d]
Альма-матар	Кіеўскі інжынерна-будаўнічы інстытут (1951)
Месца працы	Белдзяржпраект БелНДІПгорадабудаўніцтва
Навуковая ступень	кандыдат архітэктуры (1962)
Член у	Саюз архітэктараў СССР Беларускі саюз архітэктараў
Узнагароды

Павел Аляксеевіч Громаў (20 кастрычніка 1924, в. Цімошкіна, Кальчугінскі раён, Уладзімірская вобласць — да 2009, в. Цімошкіна, Кальчугінскі раён, Уладзімірская вобласць) — беларускі архітэктар. Кандыдат архітэктуры (1962).

Біяграфія

Нарадзіўся 20 кастрычніка 1924 года ў вёсцы Цімошкіна Уладзімірскай вобласці ў сям’і протаіерэя Аляксея Сяргеевіча Громава. Меў брата Сяргея.

Удзельнік Вялікай Айчыннай вайны.

Скончыў Кіеўскі інжынерна-будаўнічы інстытут у 1951 годзе. Працаваў у Белдзяржпраекце, з 1957 па 1985 г. — галоўным архітэктарам сектара, старэйшым навуковым супрацоўнікам, загадчыкам аддзела БелНДІПгорадабудаўніцтва.

Член Саюза архітэктараў СССР з 1954 года. Пражываў у Мінску, пасля выхаду на пенсію вярнуўся на радзіму. Пахаваны за алтаром мясцовай Дабравешчанскай царквы, дзе хавалі яго продкаў-святароў.

Творчасць

Асноўныя працы (у аўтарскім калектыве): праекты забудовы Магілёўскай шашы (1952), эксперыментальнага жылога раёна па вул. Валгаградскай (1957) у Мінску, генплан Салігорска, ПДП мікрараёна Машэкаўка ў Магілёве (1958), эксперыментальны ПДП цэнтра і жылога раёна Барысава (1967).

Больш за 70 навуковых прац у вобласці планіроўкі і забудовы жылых тэрыторый, структуры жыллёвага фонду, дэмаграфічнага складу, архітэктуры жылля ў гарадах БССР, у т.л.: «Мікрараёны Беларусі» (1963), «Новыя гарады Беларусі» (1966), «Рэкамендацыі па планіроўцы, забудове і пераўтварэнні гарадоў з улікам асваення поймавых і забалочаных тэрыторый» (1981), «Архітэктурна-планіровачная і тыпалагічная арганізацыя жылых тэрыторый гарадскіх паселішчаў» (1987), «Добраўпарадкаванне і азеляненне жылых зон мікрараёнаў масавага жыллёвага будаўніцтва ў гарадах Беларускай ССР» (РКН 36-87) — усё ў аўтарскім калектыве.

Узнагароды

• ордэн Айчыннай вайны (1985),
• медалі.

Літаратура

• Громов Павел Алексеевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)