Павел Андрэевіч Таран

Павел Андрэевіч Таран
Дата нараджэння	5 (18) кастрычніка 1916
Месца нараджэння	Sholokhove[d], Sholokhovo Volost[d], Екацярынаслаўскі павет[d], Кацярынаслаўская губерня, Расійская імперыя
Дата смерці	14 верасня 2005(2005-09-14) (88 гадоў)
Месца смерці	Масква, Расія
Месца пахавання	Траякураўскія могілкі
Альма-матар	Ваенная акадэмія Генеральнага штаба Узброеных Сіл Расійскай Федэрацыі (1958) Качынскае вышэйшае ваеннае авіяцыйнае вучылішча лётчыкаў[d] (1938)
Месца працы	Тупалеў[d]
Грамадзянства	СССР
Прыналежнасць	СССР
Род войскаў	Ваенна-паветраныя сілы СССР
Званне	генерал-лейтэнант авіяцыі[d]
Бітвы/войны	савецка-фінляндская вайна Вялікая Айчынная вайна Паход Чырвонай Арміі ў Заходнюю Беларусь і Украіну, 1939
Узнагароды і званні
Медыяфайлы на Вікісховішчы

Па́вел Андрэ́евіч Тара́н (укр.: Павло Андрійович Таран; 5 (18) кастрычніка 1916 — 14 верасня 2005) — ваенны лётчык, генерал-лейтэнант авіяцыі (1967). Двойчы Герой Савецкага Саюза (1942, 1944).

Біяграфія

П. А. Таран нарадзіўся у сяле Шолахава (зараз у Нікапальскім раёне Днепрапятроўскай вобласці, Украіна). Скончыў 7 класаў, працаваў на заводзе ў Нікапалі.
З 1937 года ў Чырвонай Арміі. У 1938 годзе скончыў Качынскую ваенную авіяцыйную школу лётчыкаў. Удзельнік паходу ў Заходнюю Украіну ў 1939 годзе, савеца-фінлядскай вайны 1939—1940 гг. Падчас Вялікай Айчыннай вайны ўдзельнічаў у баявых дзеяннях з чэрвеня 1941 года. Прайшоў шлях ад камандзіра звяна да камандзіра палка бамбардзіровачнай авіяцыі. Удзельнічаў у баях на тэрыторыі Украіны, Прыбалтыкі, Беларусі. За гады вайны здзейсніў 386 баявых вылетаў. Удзельнічаў у ліквідацыі мінскага «катла», наносіў бомбавыя ўдары па пазіцыях праціўніка на Таманскім паўвостраве, у Крыме, на Данбасе, падчас Берлінскай наступальнай аперацыі.

Пасля вайны гвардыі падпалкоўнік П. А. Таран працягваў службу ў Ваенна-паветраных сілах СССР. У 1958 годзе скончыў Ваенную акадэмію Генштаба. З 1980 года ў цэнтральным апараце Міністэрства абароны СССР. Займаў пасаду начальніка Упраўлення ППА і авіяцыі Галоўнага аператыўнага ўпраўлення Генеральнага штаба Узброеных Сіл СССР. З 1970 года генерал-лейтэнант авіяцыі П. А. Таран у запасе, з 1979 года — у адстаўцы. Жыў у Маскве. Працаваў кансультантам у АКБ імя А. М. Тупалева.

Памёр П. А. Таран 14 верасня 2005 года. Пахаваны ў Маскве на Траякураўскіх могілках.

Узнагароды

• Медаль «Залатая Зорка»
• Медаль «Залатая Зорка»
• Ордэн Леніна
• Ордэн Аляксандра Неўскага
• Ордэн Айчыннай вайны 1-й ступені
• 2 ордэны Чырвонай Зоркі
• Ордэн Працоўнага Чырвонага Сцяга
• Медаль «За абарону Ленінграда»
• Медаль «За абарону Каўказа»

і іншыя ўзнагароды, у т.л. замежных дзяржаў.

Памяць

• Помнік на магіле.
• Бронзавы бюст на радзіме Героя.
• Імя Героя прысвоена стратэгічнаму бамбардзіроўшчыку Ту-160.

Літаратура

• Тара́н Павел Андрэевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 433—434. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тара́н Павел Андреевич // Т. 25. Струнино — Тихорецк. — М. : Советская энциклопедия, 1976. — С. 273. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)

Спасылкі

• Павел Андрэевіч Таран на сайце «Героі краіны»
• Лётчик-качинец Таран Павел Андреевич Архівавана 8 сакавіка 2016. (руск.)