Павел Антонавіч Каўрыга
| Павел Антонавіч Каўрыга | |
|---|---|
| Дата нараджэння | 18 чэрвеня 1946 (80 гадоў) |
| Месца нараджэння | |
| Род дзейнасці | кліматолаг, выкладчык універсітэта |
| Навуковая сфера | кліматалогія, аграметэаралогія, мікракліматалогія[d] і экалогія |
| Навуковая ступень | кандыдат геаграфічных навук |
| Навуковае званне |
|
| Альма-матар |
|
| Узнагароды | |
Павел Антонавіч Каўрыга (нар. 18 чэрвеня 1946, в. Кайцені, Маладзечанскі раён) — беларускі вучоны ў галіне кліматалогіі, аграметэаралогіі і экалогіі.
Біяграфія
[правіць | правіць зыходнік]Нарадзіўся ў 1946 годзе ў в. Кайцені Маладзечанскага раёна.
Скончыў геаграфічны факультэт БДУ, працаваў асістэнтам, затым дацэнт кафедры агульнага землязнаўства. У 1974 г. абараніў кандыдацкую дысертацыю «Меліярацыя клімату глебаў асушаемых тэрыторый». Праходзіў навуковую стажыроўку ва ўніверсітэтах Берліна і Гале (Германія), скончыў ФПК Маскоўскага дзяржуніверсітэта імя М. Ламаносава па спецыяльнасці «Метэаралогія і кліматалогія».
Аўтар каля двухсот навуковых прац і вучэбных дапаможнікаў, арыгінальных кліматычных і феналагічных карт, што ўвайшлі ў «Атлас Рэспублікі Беларусь», «Нацыянальны атлас Беларусі», энцыклапедычныя выданні. Стварыў і выдаў «Руска-беларускі слоўнік па метэаралогіі і кліматалогіі» (1992).
Ім створана методыка пабудовы буйнамасштабных мікракліматычных карт, якія дазваляюць весці сельскую гаспадарку ў адпаведнасці з экалагічнымі ўмовамі канкрэтнага поля, вызначаць нормы і тэрміны правядзення меліярацыйных і агратэхнічных мерапрыемстваў. Даследуе праблемы сучасных змяненняў і ваганняў клімату, яго экстрэмальныя праяўленні — засушлівасць і пераўвільготненасць, якія парушаюць устойлівае развіццё прыродных і сацыяльных сістэм Беларусі.
Выбраная бібліяграфія
[правіць | правіць зыходнік]- Метэаралогія і кліматалогія. Вуч. дапаможнік для студэнтаў геагр. фак. / П. А. Каўрыга. — Мн: БДУ, 2004. — 185 с.
- Метады дыстанцыйных даследаванняў у гідраметэаралогіі: дапаможнік / П. А. Каўрыга. — Мінск : БДУ, 2014. — ISBN 978-985-566-031-7
- Метеорология и климатология : учебник для студентов учреждений высшего образования по специальностям «География (по направлениям)», «Гидрометеорология», «Космоаэрокартография», «Геоэкология», «Геоинформационные системы (по направлению)». — Минск : Вышэйшая школа, 2022. — 414 с. — ISBN 978-985-06-3435-1
- Метеорология и климатология. Практикум : учебное пособие для студ. учреждений высшего образования по спец. «География (по направлениям)», «Геоэкология», «Геоинформационные системы (по направлениям)», «Гидрометеорология», «Космоаэрокартография», «Геотехнологии туризма и экскурсионная деятельность». — Минск : Вышэйшая школа, 2023. — 303 с. — ISBN 978-985-06-3524-2
Прэміі і ўзнагароды
[правіць | правіць зыходнік]- Медалі ВДНГ СССР (1982, 1985)
- Ганаровая грамата Міністэрства адукацыі Беларускай ССР (1987)
- Лаўрэат прэміі імя акадэміка Вацлава Ластоўскага (2007)
- Ганаровая грамата Міністэрства прыродных рэсурсаў і аховы навакольнага асяроддзя Республікі Беларусь (2008)
Спасылкі
[правіць | правіць зыходнік]- Каўрыга, Павел Антонавіч (кандыдат геаграфічных навук; нар. 1946)
- Павел Антонович Ковриго Архівавана 1 студзеня 2024. (руск.)
