Палянкі (Бабруйскі раён)

Вёска Палянкі Краіна Беларусь Вобласць Магілёўская Раён Бабруйскі Сельсавет Кавалёўскі Каардынаты 52°57′13″ пн. ш. 29°24′01″ у. д. Насельніцтва 19 чалавек (2014) Часавы пояс UTC+3 Тэлефонны код +375 225 Паштовы індэкс 212912 Аўтамабільны код 6 СААТА 7208824081 Палянкі на карце Беларусі ±

Паля́нкі (трансліт.: Palianki, руск.: Полянки) — вёска ў Бабруйскім раёне Магілёўскай вобласці. Уваходзіць у склад Кавалёўскага сельсавета.

Геаграфічнае становішча

Вёска знаходзіцца за 23 км на паўднёвы ўсход ад Бабруйска, за 13 км ад чыгуначнай станцыі «Цялуша» на лініі Бабруйск-Жлобін.

Гісторыя

Заснавана пад канец XIX стагоддзя на месцы былых хутароў Цёплыя Палянкі і Халодныя Палянкі. Паводле Усерасійскага перапісу 1897 года — лясное ўрочышча Палянкі Туркоўскай воласці Бабруйскага павета Мінскай губерні, 1 гаспадарка, 10 жыхароў. Побач дзейнічае лесапільны завод. У 1917 годзе разбіта на хутары, на якіх 9 гаспадарак, 56 жыхароў. У 1931 годзе арганізаваны калгас «1 Мая № 2», які аб'яднаў 7 гаспадарак. У пачатку 1930-х гадоў хутары аб'яднаны ў вёску. У Вялікую Айчынную вайну 7 вяскоўцаў загінула на фронце. Да 20 снежня 1982 года вёска ў складзе Ламбаўскага сельсавета. У 1986 годзе ў вёсцы 53 гаспадаркі ў складзе калгаса «Сцяг камуны».

Планіроўка вуліц

Планіроўка Т-падобная з двухбаковай драўлянай забудовай сядзібнага тыпу. Галоўная вуліца арыентавана з паўднёвага ўсходу на паўночны захад.

Насельніцтва

• 1897 год — 10 жыхароў
• 1907 год — 34 жыхароў
• 1917 год — 56 жыхароў
• 1926 год — 224 жыхары
• 1959 год — 255 жыхароў
• 1970 год — 158 жыхароў
• 1986 год — 107 жыхароў
• 2007 год — 34 жыхары
• 2014 год — 19 жыхароў

Літаратура

• Гарады і вёскі Беларусі. Магілёўская вобласць. кніга 1. — Мн.: Беларуская Энцыклапедыя імя Петруся Броўкі, 2008.
• Памяць. Бабруйскі раён. — Мн.: Беларуская Энцыклапедыя, 1998.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх