Памятная манета «Канстанцін Астрожскі»

манета «Канстанцін Астрожскі», 20 рублёў, рэверс

манета «Канстанцін Астрожскі», 20 рублёў, аверс

Памятная манета «Канстанцін Астрожскі» — беларускія манеты Нацыянальнага банка Беларусі з серыі «Умацаванне і абарона дзяржавы». Уведзеныя ў абарачэнне 24 лістапада 2014 года. Манеты адчаканена на Казахстанскім манетным двары ва Усць-Каменагорску са серабра — наміналам 20 рублёў і медна-нікелевая — 1 рубель.

Апісанне

Манеты маюць форму круга, з пярэдняга і адваротнага бакоў — кант, які выступае па акружнасці. На бакавой паверхні манет надпіс: УМАЦАВАННЕ І АБАРОНА ДЗЯРЖАВЫ.

Аверс

Уверсе — рэльефная выява герба Беларусі і па крузе надпіс: РЭСПУБЛІКА БЕЛАРУСЬ; у цэнтры — выява пергамента з пячаткай, а таксама булавы як сімвала гетманскай улады, пад ёй — намінал 20 РУБЛЁЎ (на срэбнай) і 1 РУБЕЛЬ (на медна-нікелевай) і год чаканкі; справа на срэбнай манеце — проба сплаву.

Рэверс

У цэнтры — рэльефная выява Канстанціна Астрожскага, справа — герб роду Астрожскіх; па крузе ў два радкі надпісы: КАНСТАНЦІН АСТРОЖСКІ і 1460—1530 (гады яго жыцця).

Наміналы

Сярэбраная

• проба серабра: 925
• намінал: 20 рублёў
• вага манеты: 33.62 г
• вага чыстага серабра: 31.1 г
• дыяметр: 38.61 мм
• якасць: «пруф»
• тыраж: 2000 асобнікаў

Медна-нікелевая

• намінал: 1 рубель
• вага манеты: 15.50 г
• дыяметр: 33 мм
• якасць: «пруф-лайк»
• тыраж: 3000 асобнікаў

Спасылкі

• Нацыянальны банк Рэспублікі Беларусь Архівавана 31 сакавіка 2015.