Пасольства Беларусі ў Чэхіі
| Пасольства Беларусі ў Чэхіі | ||||
|---|---|---|---|---|
| ||||
 | ||||
| Адрас | Прага, Sádky 626/17, Praha 7 – Troja, PSČ 171 00. | |||
| Сайт | czech.mfa.gov.by | |||
Пасольства Беларусі ў Чэхіі (Пасольства Рэспублікі Беларусь у Чэшскай Рэспубліцы, чэшск.: velvyslanectví Běloruské republiky v České republice) — дыпламатычнае прадстаўніцтва Беларусі ў Чэхіі. Размешчана ў Празе па вуліцы Садкі, 626/17 (Sádky 626/17).
Гісторыя[правіць | правіць зыходнік]
Дыпламатычныя адносіны паміж Рэспублікай Беларусь і Чэшскай Рэспублікай устаноўлены 5 студзеня 1993 года. З мэтай актывізацыі беларуска-чэшскіх адносін як у палітычнай, так і гандлёва-эканамічнай сферах у 1994 годзе Беларусь і Чэхія адкрылі пасольствы ў Празе і Мінску[1].
У 2006 годзе ў пасольства Беларусі ў Празе не пусцілі былога прэзідэнта Чэхіі Вацлава Гавела, які браў удзел у заснаванні грамадскага аб’яднання «Грамадзянская Беларусь» у 2005 годзе.
22 кастрычніка 2015 г. Надзвычайны і Паўнамоцны Пасол Рэспублікі Беларусь у Чэшскай Рэспубліцы Курдзюкоў В. М. уручыў Даверчыя граматы Прэзідэнту Чэшскай Рэспублікі М. Земану.
У час прэзідэнцкіх выбараў 2020 года на ўчастку 115, створаным пры пасольстве, паводле афіцыйных вынікаў з вялікім адрывам перамагла Святлана Ціханоўская[2]. 20 верасня 2021 года ўказам Лукашэнкі Валерый Курдзюкоў вызвалены быў вызвалены ад пасады Надзвычайнага і Паўнамоцнага Пасла Рэспублікі Беларусь у Чэшскай Рэспубліцы[3].
Надзвычайныя і Паўнамоцныя Амбасадары Рэспублікі Беларусь у Чэшскай Рэспубліцы[правіць | правіць зыходнік]
- 1994—1994 — Міхаіл Апанасавіч Марыніч
- 1995—1997 — Мікалай Рыгоравіч Вайцянкоў
- 1997—2002 — Уладзімір Пятровіч Бельскі
- 2010—2015 — Васіль Міхайлавіч Марковіч
- 2015—2021 — Валерый Мікалаевіч Курдзюкоў
Зноскі
- ↑ Гісторыя Пасольства Беларусі ў Чэхіі
- ↑ Голос (руск.). Платформа Голос. Праверана 27 жніўня 2023.
- ↑ Указ Президента Республики Беларусь от 20.09.2021 г. № 360 «О В.Н.Курдюкове» – Pravo.by (руск.). pravo.by. Праверана 27 жніўня 2023.
Спасылкі[правіць | правіць зыходнік]
На Вікісховішчы ёсць медыяфайлы па тэме Пасольства Беларусі ў Чэхіі- Афіцыйны сайт
